OG - Thaman: కొత్త ఇన్‌స్ట్రూమెంట్‌.. 117 మంది వాయిద్య కళాకారులతో...
ABN , Publish Date - Sep 08 , 2025 | 02:53 PM
తాజాగా సంగీత దర్శకుడు తమన్‌ ఓజి సినిమా గురించి ఓ మ్యూజికల్‌ అప్‌డేట్‌ ఇచ్చారు. ఈ చిత్రానికి కొత్త టెక్నాలజీ ఇన్‌స్ట్రూమెంట్‌ను ఉపయోగించారు.
పవన్‌ కల్యాణ్‌ (Pawan Kalyan) ఫ్యాన్స్‌ ఎంతో ఎగ్జైటింగ్‌గా ఎదురుచూస్తున్న చిత్రం ‘ఓజీ’ (OG) . సుజీత్‌ 9Sujeeth) దర్శకత్వంలో డి.వి.వి దానయ్య నిర్మిస్తున్న ఈ చిత్రం సెప్టెంబర్‌ 25న ప్రపంచవ్యాప్తంగా విడుదల కానుంది. దీంతో ప్రమోషన్స్‌ ప్రారంభించారు. వరుస అప్‌డేట్స్‌ ఇస్తున్నారు మేకర్స్‌. ప్రస్తుతం ఈ సినిమా పోస్టర్లు సోషల్‌ మీడియాలో సందడి చేస్తున్నాయి. తాజాగా సంగీత దర్శకుడు తమన్‌ ఓ మ్యూజికల్‌ అప్‌డేట్‌ ఇచ్చారు. ఈ చిత్రానికి కొత్త టెక్నాలజీ ఇన్‌స్ట్రూమెంట్‌ను ఉపయోగించారు. జపాన్‌ వాయిద్య పరికరం కోటోను ఉపయోగించి బీజీఎం క్రియేట్‌ చేసినట్లు తమన్‌ వెల్లడించారు. తాజాగా మరో పోస్ట్‌తో ఫ్యాన్స్‌లో ఉత్సాహం పెంచారు. లండన్‌లోని స్టూడియోలో ఈ సినిమా రికార్డింగ్‌ పనులు జరుగుతున్నట్లు తమన్‌ తెలిపారు. 117 మంది సంగీత కళాకారుల దీని కోసం పని చేస్తున్నట్లు చెప్పారు. బ్యాగ్రౌండ్‌ స్కోర్‌ అద్భుతంగా కుదిరిందన్నారు. తమన్‌ పోస్ట్‌తో హంగ్రీ చీతా’ (#Hungry cheetah) హ్యాష్‌ ట్యాగ్‌ మరోసారి సోషల్‌ మీడియలో ట్రెండ్‌ అవుతోంది. సాహో తర్వాత సుజీత్‌ దర్శకత్వం వహిస్తున్న చిత్రమిది. గ్యాంగ్‌స్టర్‌ యాక్షన్‌ థ్రిల్లర్‌గా రూపొందుతోంది. పవన్‌ కల్యాణ్‌ను ఇప్పటివరకూ చూడని పాత్రలో చూడబోతున్నామని మేకర్స్‌ చెబుతున్నారు. ఇందులో ఆయన ఓజాస్‌ గంభీర అనే గ్యాంగ్‌స్టర్‌గా కనిపించనున్నారు. ప్రియాంకా మోహన్‌ కథానాయికగా నటించారు. ఇమ్రాన్‌ హష్మీ ప్రతినాయకుడు. శ్రియారెడ్డి, ప్రకాశ్‌రాజ్‌, అర్జున్‌దాస్‌ తదితరులు కీలక పాత్రధారులు. ప్రస్తుతం నిర్మాణానంతర కార్యక్రమాలు జరుగుతున్నాయి.