Telusu Kada: సిద్దు జొన్నలగడ్డ.. తెలుసుక‌దా రిలీజ్ డేట్ వ‌చ్చేసింది! ఎప్పుడంటే

స్టార్ బాయ్ సిద్దు జొన్నలగడ్డ (Siddu Jonnalagadda) నటిస్తోన్న నూత‌న‌ చిత్రం ‘తెలుసు కదా’ (Telusu Kada). స్టైలిస్ట్ నీరజ కోన (Neeraja Kona) ఈ మూవీతో డైరెక్టర్‌గా పరిచయం కాబోతుండగా.. పీపుల్స్‌ మీడియా ఫ్యాక్టరీ బ్యానర్‌పై టీజీ విశ్వ ప్రసాద్ ఈ చిత్రాన్ని భారీ బడ్జెట్‌తో నిర్మిస్తున్నారు. రాశీ ఖ‌న్నా (Raashii Khanna), క‌న్న‌డ భామ‌ శ్రీనిధి షెట్టి (Srinidhi Shetty) క‌థానాయిక‌లుగా న‌టిస్తున్నారు.

ఎప్పుడో ఏడాది కింత మొద‌లైన ఈ చిత్రం అన్ని కార్య‌క్ర‌మాలు పూర్తి చేసుకున్న ఈ చిత్రం ఎట్ట‌కేల‌కు విడుద‌ల‌కు రెడీ అవుతోంది. ఈ నేప‌థ్యంలో సోమ‌వారం ఈ సినిమాకు సంబంధించి కీల‌క అప్డేట్ ఇచ్చారు. అక్టోబ‌ర్‌17న సినిమా విడుద‌ల కానున్న‌ట్లు ప్ర‌క‌టించారు. ఈ సంద‌ర్బంగా హీరో హీరోయున్లు వీడియో కాల్‌లో క‌నెక్ట్ అయి డిటెయిల్స్ చెబుతూ చేసిన వీడియో ఆక‌ట్టుకునేలా ఉంది. ప్ర‌స్తుతం ఈ వీడియో సోష‌ల్ మీడియాలో వైర‌ల్ అవుతోంది.

ఈ సినిమాలో టాప్ టెక్నీషియన్లు పని చేస్తున్నారు. థమన్ ఎస్ సంగీతం అందిస్తుండ‌గా, జ్ఞాన శేఖర్ బాబా సినిమాటోగ్రఫీ చేస్తున్నారు. నేషనల్ అవార్డ్ విన్నింగ్ టెక్నీషియన్ నవీన్ నూలి ఎడిటర్. బిజీ ప్రొడక్షన్ డిజైనర్లలో ఒకరైన అవినాష్ కొల్లా ఈ చిత్రానికి ప్రొడక్షన్ డిజైనర్. శీతల్ శర్మ కాస్ట్యూమ్స్ డిజైన్ చేస్తున్నారు. అయితే జాక్ డిజాస్ట‌ర్‌తో సిద్ధుకు గ‌ట్టి ఎదురుదెబ్బ త‌గ‌ల‌డంతో ఇప్పుడు ఆయ‌న ఆశ‌ల‌న్నీ ఈ సినిమాపైనే ఉన్నాయి.