MSVPG: చిరు - వెంకీ డ్యాన్స్.. థియేటర్ షేక్

MSVPG: మెగాస్టార్ చిరంజీవి(Chiranjeevi) మోస్ట్ ఎవైటెడ్ ఫ్యామిలీ ఎంటర్‌టైనర్ మన శంకర వర ప్రసాద్ గారు (Mana Shankara Varaprasad gaaru). అనిల్ రావిపూడి (Anil Ravipudi) దర్శకత్వం వహిస్తున్న ఈ చిత్రాన్ని షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్ బ్యానర్ పై నిర్మాతలు సాహు గారపాటి, సుష్మిత కొణిదెల ఈ చిత్రాన్ని నిర్మిస్తుండగా.. శ్రీమతి అర్చన సమర్పిస్తున్నారు. ఇక ఈ చిత్రంలో చిరు సరసన నయనతార (Nayanthara) నటిస్తోంది. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా. ఆకట్టుకున్నాయి ఇక చార్ట్ బస్టర్ ఫస్ట్ సింగిల్ మీసాల పిల్ల 72 మిలియన్లకు పైగా వ్యూస్ ని సంపాదించి ఎప్పటికే ఈ చిత్రం హ్యుజ్ బజ్ క్రియేట్ చేసింది.

ఇక ఈ చిత్రంలో మెగాస్టార్ చిరంజీవి, విక్టరీ వెంకటేష్ స్క్రీన్ షేర్ చేసుకోవడం ఫ్యాన్స్ ని విశేషంగా అలరించనుంది. ఈ కాంబో కోసమే అభిమానులు వేయి కళ్ళతో ఎదురుచూస్తున్నారు. వెంకీ మామ జస్ట్ క్యామియో కాకుండా ఒక కీలక పాత్రగా ఈ చిత్రంలో కనిపించబోతున్నాడట. చిరు - వెంకీ కలిసి స్టెప్పులు కూడా వేయబోతున్నారని తెలుస్తోంది. హైదరాబాద్ లో వేసిన భారీ సెట్ లో చిరంజీవి, వెంకటేష్ లపై స్టైలిష్ డ్యాన్స్ సాంగ్ షూటింగ్ ని మేకర్స్ ప్రారంభించారు. ఈ పాటలో 500 మందికి పైగా డ్యాన్సర్లు పాల్గొంటున్నారు. ఈ పాటలో సెట్ ని కలర్, రిథమ్, వైబ్ ల కార్నివాల్ గా మార్చారు.

బ్లాక్ బస్టర్ హిట్ మీసాల పిల్లకి కొరియోగ్రఫీ చేసిన పొలంకి విజయ్ ఈ పాటకు కూడా కొరియోగ్రఫీ అందిస్తున్నాడు. ఇక ఈ విషయం తెలియడంతో అభిమానులు ఎగిరి గంతులు వేస్తున్నారు. థియేటర్ లో ఈ సాంగ్ షేక్ అయ్యిపోవాలి అంటూ కామెంట్స్ పెడుతున్నారు. వచ్చే సంక్రాంతికి మన శంకరవరప్రసాద్ గారు రిలీజ్ కు రెడీ అవుతోంది. మరి ఈ సినిమాతో చిరు ఎలాంటి విజయాన్ని అందుకుంటాడో చూడాలి.