The Girlfriend: ఏం జ‌రుగుతోంది.. 26న‌‘ది గర్ల్ ఫ్రెండ్’ సెకండ్ సింగిల్

నేషనల్ క్రష్ రష్మిక మందన్నా (Rashmika Mandanna) ప్రధాన పాత్రలో నటిస్తున్న ‘ది గర్ల్ ఫ్రెండ్’ (The Girlfriend) చిత్రం నుంచి మ‌రో అప్డేట్ వ‌చ్చింది. ఇప్ప‌టికే ఈ చిత్రం నుంచి విడుద‌లైన న‌దివే అనే పాట సోష‌ల్ మీడియాలో సంచ‌ల‌నం సృష్టించ‌గా ఇప్పుడు ఏం జ‌రుగుతోంది అంటూ చిన్మ‌యా శ్రీ పాద (Chinmayi Sripaada) ఆల‌పించిన‌ పాట‌ను విడుద‌ల చేసేందుకు మేక‌ర్స్ రెడీ అవుతున్నారు. ఈ మేర‌కు ఆదివారం ఓ పోస్ట‌ర్ రిలీజ్ చేసి వినాయ‌క చ‌వితి సంద‌ర్భంగా ఆగ‌స్టు 26న ఈ పాట‌ను విడుద‌ల చేయ‌నున్న‌న‌ట్లు ప్ర‌క‌టించారు.

గ‌తంలో చిల‌సౌ, మ‌న్మ‌థుడు 2 వంటి సినిమాల‌ను తెర‌కెక్కించిన‌ రాహుల్ రవీంద్రన్ (Rahul Ravindran) ఈ మూవీకి దర్శకుడు. గీతా ఆర్ట్స్ (Geetha Arts) నిర్మిస్తోంది.హేష‌మ్ అబ్దుల్ వాహ‌బ్ ( Hesham Abdul Wahab) సంగీతం అందిస్తున్నాడు. సెప్టెంబ‌ర్‌లో ఈ చిత్రం థియేట‌ర్ల‌లోకి రానుంది. ఈ చిత్రంలో ర‌ష్మిక‌కు జోడీగా క‌న్న‌డ న‌టుడు నాని ద‌స‌రాఫేం దీక్షిత్ శెట్టి ( Dheekshith Shetty) న‌టిస్తున్నాడు. ఇదిలాఉంటే ర‌ష్మిక బాలీవుడ్‌లో ప్ర‌స్తుతం రెండు చిత్రాలు చేస్తోండ‌గా తెలుగులో మైసా అనే చిత్రం ప్రారంభ‌మైంది.