Battle of Galwan: ఆగస్టులో ఆరంభం

సల్మాన్‌ ఖాన్‌ కథానాయకుడిగా అపూర్వ లాఖియా ‘బ్యాటిల్‌ ఆఫ్‌ గల్వాన్‌’ అనే చిత్రాన్ని తెరకెక్కించనున్న సంగతి తెలిసిందే. తెలంగాణ వాసి కల్నల్‌ బికుమళ్ల సంతో్‌షబాబు జీవితం ఆధారంగా ఈ సినిమాను రూపొందిస్తున్నారు. ఈ చిత్రం రెగ్యులర్‌ షూట్‌ను ఆగస్టు నుంచి ప్రారంభించనున్నారు. ముంబైలో జరిగే ఈ షెడ్యూల్‌తో సల్మాన్‌ ఖాన్‌ సెట్స్‌లో అడుగుపెట్టనున్నారు. ఇందులో కథానాయకుడి గతానికి సంబంధించిన ముఖ్యమైన సన్నివేశాలను చిత్రీకరించనున్నారు. ఆ తర్వాత లద్దాఖ్‌లో ఓ కీలక షెడ్యూల్‌ను మొదలుపెట్టనున్నారు మేకర్స్‌. వచ్చే ఏడాది రంజాన్‌ సందర్భంగా ఈ చిత్రాన్ని ప్రేక్షకుల ముందుకు తెచ్చేందుకు సన్నాహాలు చేస్తున్నారు. కాగా, ఈ సినిమాలో శక్తిమంతమైన యుద్ధవీరుడిగా కనిపించేందుకు సల్మాన్‌ పూర్తిగా మేకోవర్‌ అయ్యారు. ఇందుకోసం శిక్షణ కూడా తీసుకున్నారు.