Ram Charan: మేడమ్‌ టుస్సాడ్స్‌ చరణ్‌ విగ్రహం.. ఫొటోలు వైరల్‌..

లండన్‌లోని ప్రఖ్యాత మేడమ్‌ టుస్సాడ్స్‌ (Madame Tussauds London) మ్యూజియంలో గ్లోబల్‌స్టార్‌ రామ్‌ చరణ్‌ (Ram Charan) మైనపు విగ్రహం కొలువుదీరిన సంగతి తెలిసిందే.

లండన్‌లోని ప్రఖ్యాత మేడమ్‌ టుస్సాడ్స్‌ (Madame Tussauds London) మ్యూజియంలో గ్లోబల్‌స్టార్‌ రామ్‌ చరణ్‌ (Ram Charan) మైనపు విగ్రహం కొలువుదీరిన సంగతి తెలిసిందే. ఇటీవల జరిగిన ఈ కార్యక్రమంలో రామ్‌ చరణ్‌తోపాటు భార్య ఉపాసన, కుమార్తె క్లీంకార, తల్లీదండ్రులు చిరంజీవి- సురేఖ పాల్గొన్నారు. ఆ వీడియోలు తాజాగా సోషల్‌ మీడియాలో వైరల్‌ అవుతున్నాయి. వాటిలో.. క్లీంకారకు సంబంధించిన క్యూట్‌ వీడియో అందరి దృష్టిని ఆకర్షిస్తోంది. తన విగ్రహం పక్కన కూర్చొని రామ్‌చరణ్‌ ఫొటోలకు పోజుళు ఇస్తుండగా.. క్లీంకార ఆ విగ్రహం వద్దకు వెళ్లే ప్రయత్నం చేయడం, చరణ్‌ తన కుమార్తెను ఆపడం అందులో కనిపించింది. ఈ వైరల్‌ ఫొటోలు, వీడియోల్లోనూ క్లీంకార ఫేస్‌ రివీల్‌ కాలేదు. మరోవైపు, విగ్రహంతో కలిసి చరణ్‌ ఫ్యామిలీ దిగిన ఫొటో సైతం నెట్టింట వైరల్‌గా మారింది.

ఎలిజబెత్‌ 2 తర్వాత..

చరణ్‌ మైనపు విగ్రహంలో ఆయనతో పాటు తన పెంపుడు కుక్క రైమ్‌ కూడా ఉండటం విశేషం. అలా పెంపుడు జంతువుతో కలిసి ఉన్న మైనపు విగ్రహం కలిగిన రెండో సెలబ్రిటీ రామ్‌ చరణే. మొదటి స్థానం తొలి వ్యక్తి రాణి ఎలిజబెత్‌ 2కు దక్కింది.. త్వరలో చరణ్‌ ప్రతిమను సింగపూర్‌లోని మేడమ్‌ టుస్సాడ్స్‌కు తరలించనున్నారు.