Police Vaari Hechcharika: సందేశాత్మక చిత్రం

సన్ని అఖిల్‌, అజయ్‌ ఘోష్‌, రవి కాలే, షాయాజీ షిండే తదితరులు నటించిన చిత్రం ‘పోలీస్‌ వారి హెచ్చరిక’. బాబ్జీ దర్శకత్వంలో తూలికా తనిష్క్‌ క్రియేషన్స్‌ బేనర్‌పై బెల్లి జనార్దన్‌ నిర్మించారు. ఈ శుక్రవారం ప్రేక్షకుల ముందుకు వస్తోంది. ఈ సందర్భంగా నిర్వహించిన కార్యక్రమంలో చిత్రం తొలి టికెట్‌ని లాంచ్‌ చేశారు. కార్యక్రమంలో ముఖ్య అతిథిగా పాల్గొన్న మట్టి కవి బెల్లి యాదయ్య మాట్లాడుతూ ‘సినిమాలోని సన్నివేశాలను రియల్‌ లొకేషన్స్‌లో చిత్రీకరించారు. ఈ చిత్రం సమాజానికి మంచి సందేశాన్ని ఇస్తుంది’ అని అన్నారు. నిర్మాత బెల్లి జనార్దన్‌ మాట్లాడుతూ ‘మంచి కంటెంట్‌ ఉన్న ఈ సినిమాను ప్రేక్షకులు ఆదరించాలి’ అని కోరారు. చిత్ర దర్శకుడు బాబ్జి మాట్లాడుతూ ‘రొటీన్‌ చిత్రాలకు భిన్నంగా మా సినిమా ఉంటుంది. ఈ చిత్రం ద్వారా ప్రేక్షకులకు మంచి సందేశాన్ని ఇవ్వబోతున్నాం’ అని అన్నారు.