Pathang: ఇలాంటి కాన్సెప్ట్‌తో.. సినిమా తీయాలంటే ధైర్యం కావాలి

యూత్‌ను ఆకట్టుకునే కాన్సెప్ట్‌తో, స్పోర్ట్స్ డ్రామా నేపథ్యంలో రూపొందుతున్న సినిమా ‘పతంగ్’ (Pathang Movie). ఇన్‌స్టాగ్రామ్ సెన్సేషన్ ప్రీతి పగడాల, జీ సరిగమప రన్నరప్ ప్రణవ్ కౌశిక్, వంశీ పూజిత్ ముఖ్య పాత్రల్లో నటించారు. ప్రముఖ దర్శకుడు నటుడు గౌతమ్ వాసుదేవ మీనన్, ప్రముఖ గాయకుడు-నటుడు ఎస్.పీ. చరణ్ కీలక పాత్రల్లో కనిపించనున్నారు. పతంగుల పోటీని ప్రధానాంశంగా తీసుకొని రూపొందిన ఈ యూత్‌ఫుల్ కామెడీ స్పోర్ట్స్ డ్రామా ఈ చిత్రం డిసెంబర్ 25న ప్రపంచవ్యాప్తంగా థియేటర్లలో విడుదల కానుంది.

ఈ నేప‌థ్యంలో తాజాగా హైదరాబాద్‌లో ప్ర‌త్యేకంగా ఈవెంట్ నిర్వ‌హించగా ప్రముఖ దర్శకుడు దేవకట్టా ట్రైలర్ ఆవిష్కరించారు. ప్రతిష్టాత్మక సురేష్ ప్రొడక్షన్స్ పతాకంపై డి. సురేష్ బాబు సమర్పణలో, సినిమాటిక్ ఎలిమెంట్స్, రిషన్ సినిమాస్, మాన్‌సూన్ టేల్స్ సంస్థలు కలిసి ఈ చిత్రాన్ని నిర్మిస్తున్నాయి. విజయ్ శేఖర్ అన్నే, సంపత్ మక, సురేష్ కొత్తింటి, నాని బండ్రెడ్డి నిర్మాతలుగా వ్యవహరిస్తున్నారు. ఈ చిత్రానికి ప్రణీత్ ప్రత్తిపాటి దర్శకత్వం వహించారు.

ట్రైలర్ విడుదల అనంతరం దేవకట్టా మాట్లాడుతూ.. “ట్రైలర్ ఎంతో ఎనర్జిటిక్‌గా, ఎంటర్‌టైనింగ్‌గా ఉంది. ఇది కొత్త తరహా సినిమా. బ్లాక్‌బస్టర్‌కు కావాల్సిన అన్ని ఎలిమెంట్స్ ఇందులో ఉన్నాయి. ఫ్రెండ్‌షిప్‌, లవ్‌, మ్యూజిక్‌, యూత్ ఎనర్జీ అన్నీ బలంగా కనిపిస్తున్నాయి. తప్పకుండా థియేటర్లలో ప్రేక్షకులను అలరిస్తుంది” అని నిర్మాత నాని బండ్రెడ్డి సినిమాల కోసం ప్రాణం పెట్టే వ్యక్తి. ఈ సినిమాకు హిట్ కళ స్పష్టంగా కనిపిస్తోంది” అన్నారు.

ప్రణవ్ కౌశిక్, వంశీ పూజిత్ మాట్లాడుతూ.. ట్రైలర్ మైండ్ బ్లోయింగ్గా ఉంది. పతంగుల పోటీ సన్నివేశాలు విజువల్‌గా అద్భుతంగా ఉన్నాయి. చివరి 30 నిమిషాల కైట్ కాంపిటీషన్ ప్రేక్షకులను కట్టిపడేస్తుంది. . ఇలాంటి కాన్సెప్ట్‌తో సినిమా తీయాలంటే ధైర్యం కావాలి. మా నిర్మాతలు పెద్ద సినిమాకు తగ్గ క్వాలిటీతో ఈ ప్రాజెక్ట్ చేశారు. మా పాత్రలు అందరికీ గుర్తుండిపోతాయి అన్నారు. వడ్లమాని శ్రీనివాస్ మాట్లాడుతూ.. “ఇది నా వందో సినిమా. యూత్ ఎనర్జీతో చేసిన ఈ చిత్రం భారీ విజయాన్ని సాధించాలని కోరుకుంటున్నాను” అని తెలిపారు.