Balakrishna: నేనే చరిత్ర.. నాదే ఆ చరిత్ర .. బాలయ్య పవర్‌ఫుల్‌ స్పీచ్‌

'చరిత్రలో చాలామంది ఉంటారు. కానీ, చరిత్రను తిరగరాసి మళ్లీ చరిత్ర సృష్టించే వాడు ఒక్కడే ఉంటాడు. నేనే చరిత్ర.. నాదే ఆ చరిత్ర  అని నందమూరి బాలకృష్ణ ఇటీవల మొదలైన 'ఎన్‌బీకే 111' సినిమాలోని డైలాగ్‌ చెప్పి అభిమానుల్ని ఉర్రూతలూగించారు. ‘అఖండ’కు సీక్వెల్‌గా బోయపాటి శ్రీను తెరకెక్కించిన చిత్రం ‘అఖండ 2’. డిసెంబర్‌ 5న ప్రేక్షకుల ముందుకు రానుంది. ఇందులో సంయుక్త కథానాయిక, ఆది పినిశెట్టి విలన్‌గా కనిపిస్తారు.  కైతలాపూర్‌లో శుక్రవారం రాత్రి ‘అఖండ 2: తాండవం’ ప్రీ రిలీజ్‌ ఈవెంట్‌ జరిగింది. ఈ సందర్భంగా ఈ చిత్రం టీజర్‌ను విడుదల చేశారు.  

బాలకృష్ణ మాట్లాడుతూ ుదేశాన్ని రక్షించేందుకు సైనికులు ఉంటే ధర్మాన్ని కాపాడేందుకు అఘోరాలు, స్వాములు ఉన్నారు. బాలకృష్ణ సినిమా అంటే ఉగాది పచ్చడి లాంటిది. అందులో అన్నీ రకాల రుచులు ఉంటాయి.  ఈ సినిమా ప్రచారంలో భాగంగా ఇటీవల ఉత్తరప్రదేశ్‌ వెళ్లాం. సీఎం యోగి ఆదిత్యనాథ్‌ ట్రైలర్‌ చూశారు. అది నచ్చడంతో వేరే ప్రచార కంటెంట్‌ కూడా వీక్షించారు. ‘సనాతన ధర్మం గురించి బాగా చెప్పారు’ అని మమ్మల్ని అభినందించారు. లాక్‌డౌన్‌ తర్వాత విడుదలైన తొలి సినిమా ‘అఖండ’ పెద్ద విజయం సాధించింది. దానికి సీక్వెల్‌గా వస్తున్న ుఅఖండ 2’ మరో స్థ్థాయిలో ఉంటుంది. నేను, బోయపాటి శ్రీను సినిమా చేయాలనుకుంటే దానిపై ఓ మూడు నిమిషాలు మాట్లాడుకుంటామంతే! ఆ మాటల తర్వాత రంగంలోకి దిగిపోతాం. నటన అంటే మరో ఆత్మలోకి ప్రవేశించడం. నేను పాదరసం లాంటి వాడిని. ఏ ఛాలెంజ్‌కైనా నేను రెడీ! ఒకే పనితో నేను సంతృప్తి చెందను. అందుకే నటుడిగానే కాకుండా, ఎమ్మెల్యేగా, బసవతారకం హాస్పిటల్‌ ఛైర్మన్‌గా ముందుకెళ్తున్నా’ అని అన్నారు.