Korean Kanakaraju: హైదరాబాద్‌లో.. కొరియ‌న్ క‌న‌క‌రాజు

వరుణ్‌ తేజ్ (Varun Tej) కథానాయకుడిగా మేర్లపాక గాంధీ (Merlapaka Gandhi) ఓ హారర్‌ కామెడీ చిత్రాన్ని తెరకెక్కిస్తోన్న విషయం తెలిసిందే. ‘వీటీ15’ అనేది వర్కింగ్‌ టైటిల్‌గా రూపొందుతున్న ఈ చిత్రానికి కొరియ‌న్ క‌న‌క‌రాజు (Korean Kanakaraju) అనే పేరు ప‌రిశీల‌న‌లో ఉంది. యూవీ క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌మెంట్‌ సంస్థలు భారీ బడ్జెట్‌తో నిర్మిస్తున్నాయి. వరుణ్‌ సరసన మిరాయ్ భామ‌ రితికా నాయక్‌ (Ritika Nayak) కథానాయికగా నటిస్తుంది.

ప్రస్తుతం ఈ చిత్రం షూటింగ్‌ హైదరాబాద్‌లో శరవేగంగా జరుగుతోంది. వరుణ్‌ తేజ్‌, ప్రధాన తారాగణం పాల్గొంటున్న ఈ షెడ్యూల్‌లో కీలక సన్నివేశాలను చిత్రీకరిస్తున్నారు. ‘వరుణ్‌ కెరీర్‌లోనే ఈ సినిమా ప్రత్యేకంగా ఉండబోతోంది. ‘తొలిప్రేమ’ తర్వాత వరుణ్‌- తమన్‌ కాంబినేషన్‌లో మరోసారి అదరగొట్టే ఆల్బమ్‌ రానుంది. ఈ చిత్రానికి సంబంధించిన మరిన్ని ఆసక్తికర అప్డేట్స్‌ త్వరలో ఇవ్వబోతున్నాం’ అని మేకర్స్‌ తెలిపారు.