Love Days: ‘గీతాంజలి’, ‘తొలి ప్రేమ’ తరహాలో మిలిచిపోతుంది 

నవీన్(Naveen), కుసుమ చందక (kusuma) జంటగా మాదల వెంకటకృష్ణ ప్రసాద్ నిర్మిస్తున్న చిత్రం ‘లవ్ డేస్’ (love Days). ఏ టాక్సిక్ లవ్ స్టోరీ అనేది ఉప శీర్షిక. సురేష్ లంకలపల్లి తెరకెక్కిస్తున్నారు. తాజాగా ఈ మూవీకి టైటిల్, గ్లింప్స్‌ను రిలీజ్ చేశారు. ఈ కార్యక్రమానికి దర్శకుడు సముద్ర ముఖ్య అతిథిగా హాజరయ్యారు. ఆయన మాట్లాడుతూ ‘గీతాంజలి’, ‘తొలి ప్రేమ’, ‘అందాల రాక్షసి’ లాంటి అద్భుతమైన ప్రేమ కథల్లా ఈ ‘లవ్ డేస్’ నిలిచిపోతుంది. పెద్ద విజయాన్ని సాధించాలని కోరుకుంటున్నాను' అని అన్నారు.

దర్శకుడు సురేష్ లంకలపల్లి మాట్లాడుతూ  ‘నిర్మాత వెంకట్ గారి వల్లే ఈ కథ, ఈ సినిమా ఇక్కడి వరకు వచ్చింది. డిసెంబర్ నుంచి మా నిర్మాత కొత్త ప్రాజెక్ట్ ప్రారంభించబోతోన్నారు. ఆర్య సాయి కృష్ణ ‘రాచరికం’ నుంచి నాతో జర్నీ చేస్తున్నారు. వెంగి సార్ మ్యూజిక్ ఎప్పుడూ అద్బుతంగానే ఉంటుంది. రాం ప్రసాద్ గారి డైలాగ్స్ అందరినీ ఆకట్టుకుంటాయి' అన్నారు. 

నిర్మాత మాదల వెంకట కృష్ణ ప్రసాద్ మాట్లాడుతూ 'సురేష్ లంకలపల్లి చెప్పిన కథ నాకు చాలా నచ్చింది. ఈ ప్రయాణంలో అతని డెడికేషన్ నాకు చాలా నచ్చింది. ఆయనతోనే మళ్లీ నెక్ట్స్ సినిమా కూడా చేయబోతోన్నాం.  నేను చేయనున్న నాలుగో సినిమాలో ఆయనే హీరోగా నటిస్తారు. మా మూవీ టైటిల్, గ్లింప్స్ అందరికీ నచ్చిందని భావిస్తున్నాను. త్వరలోనే మేం ఆడియెన్స్ ముందుకు రాబోతోన్నాం’ అని అన్నారు.

సూరజ్ ఆదిత్య సింగ్ మాట్లాడుతూ .. ‘‘సముద్ర గారే నన్ను ఇండస్ట్రీకి పరిచయం చేశారు. నాకు తెలుగు అంతగా రాదు. నా మీద నమ్మకంతో నన్ను సెలెక్ట్ చేసిన సురేష్ గారికి థాంక్స్. నవీన్, కుసుమ అద్భుతమైన నటించారు. ఈ ప్రయాణంలో నాకు సహకరించిన ప్రతీ ఒక్కరికీ థాంక్స్. రిలీజ్ డేట్ త్వరలోనే ప్రకటిస్తాం. అందరూ మా మూవీని చూసి ఆదరించండి’ అని అన్నారు.