Kishkindhapuri Movie: ఆబాల గోపాలాన్ని అలరించే చిత్రం

బెల్లంకొండ సాయి శ్రీనివాస్‌, అనుపమా పరమేశ్వరన్‌ జంటగా నటిస్తున్న చిత్రం ‘కిష్కిందపురి’. కౌశిక్‌ పెగల్లపాటి దర్శకత్వంలో సాహు గారపాటి నిర్మిస్తున్నారు. చిత్రబృందం మ్యూజిక్‌ ప్రమోషన్స్‌ను ప్రారంభించింది. గురువారం నిర్వహించిన కార్యక్రమంలో తొలి గీతాన్ని విడుదల చేసింది. ఈ రొమాంటిక్‌ డ్యూయెట్‌కు చైతన్‌ భరద్వాజ్‌ స్వరాలందించగా, పూర్ణాచారి సాహిత్యం అందించారు. జావేద్‌ అలీ ఆలపించారు. ఈ సందర్భంగా బెల్లంకొండ సాయి శ్రీనివాస్‌ మాట్లాడుతూ ‘ఆబాల గోపాలాన్ని అలరించే చిత్రమిది. ఈ హారర్‌ మిస్టరీ ఆధ్యంతం ప్రేక్షకులను ఉత్కంఠకు గురిచేస్తుంది’ అన్నారు. ‘ఇది నా కెరీర్‌లో ప్రత్యేక చిత్రం. కొన్ని ఘట్టాలు చాలాకాలం పాటు ప్రేక్షకులకు గుర్తుండిపోతాయి’ అని అనుపమా తెలిపారు. త్వరలో విడుదల తేదీని ప్రకటిస్తామని కౌశిక్‌ చెప్పారు.