K Ramp: కిరణ్‌ అబ్బవరం.. ఫ‌స్ట్ లుక్ వ‌చ్చేసింది

‘క’, దిల్ రూబా వంటి చిత్రాల త‌ర్వాత హీరో కిరణ్‌ అబ్బవరం (Kiran Abbavaram) న‌టిస్తోన్న నూత‌న‌ చిత్రం కే ర్యాంప్ (K Ramp). ‘సామజవరగమన2, ‘ఊరు పేరు భైరవకోన’ వంటి చిత్రాల తర్వాత హాస్య మూవీస్‌ సంస్థ (Hasya Movies) అధినేత రాజేశ్‌ దండా (Rajesh Danda) ఈ సినిమా నిర్మిస్తున్నారు. జైన్స్‌ నాని (jains nani) ఈ చిత్రంతో దర్శకుడిగా పరిచయమవుతున్నారు. ఐదు నెల‌ల క్రితమే ఈ చిత్రం స్టార్ట్ అవ‌డ‌మే గాక షూటింగ్ శ‌ర‌వేగంగా జ‌రిగిపోతుంది.

కిరణ్‌ అబ్బవరం సరసన యుక్తి తరేజా (Yukti Thareja) నటిస్తుండ‌గా చేతన్‌ భరద్వాజ్ సంగీతం అందిస్తున్నాడు. తాజాగా మేక‌ర్స్ ఈ చిత్రం నుంచి కిర‌ణ్ ఫ‌స్ట్ లుక్ రిలీజ్ చేశారు. బ్యాగ్రౌండ్‌లో ల‌వ్ సింబ‌ల్ మంట‌ల్లో ఉండ‌గా దాని ఎదుట హీరో లుంగీలో న‌వ్వుతూ ఉన్న‌ పోస్ట‌ర్‌ను మేక‌ర్స్ సోమ‌వారం రిలీజ్ చేశారు. కాగా పూర్తి వినోదాత్మ‌కంగా రూపొందుతున్న ఈ మూవీ ఈ దీపావ‌ళికి ప్రేక్ష‌కుల ముందుకు రానుంది.