Thug life: ఇది సెలబ్రేట్ చేసుకునే సినిమా.. మళ్లీ మళ్లీ రాదు

సినీప్రేక్షకులు ఎప్పుడెప్పుడా అని ఎంతో ఆసక్తిగా ఎదురు చూస్తున్న సినిమా థగ్ లైఫ్ (Thug life). కమల్ హాసన్ హీరోగా, లెజెండరీ దర్శకుడు మణిరత్నం దర్శకత్వంలో నాయ‌కుడు వంటి క‌ల్ట్ క్లాసిక్ చిత్రం త‌ర్వాత‌ తెరకెక్కుతున్న ఈ హై-ఓక్టేన్ గ్యాంగ్‌స్టర్ డ్రామా జూన్ 5న థియేటర్లలో విడుదలకు సిద్ధమవుతోంది. త్రిష, శింబు కీలక పాత్రల్లో నటించిన ఈ సినిమా నుంచి ఇప్పటికే విడుదలైన టీజ‌ర్‌, ట్రైల‌ర్, ఇత‌ర‌ ప్రమోషనల్ కంటెంట్ నేషనల్ వైడ్ గా సెన్సేషన క్రియేట్ చేసింది. గతంలో విక్రమ్, అమరన్ లాంటి బ్లాక్‌బస్టర్లు అందించిన ఎన్ సుధాకర్ రెడ్డి శ్రేష్ఠ్ మూవీస్ ద్వారా ఈ సినిమాను తెలుగులో విడుదల చేస్తున్నారు. తాజాగా శుక్ర‌వారం హైద‌రాబాద్‌లో ఈ చిత్ర యూనిట్ మీడియా మీట్ నిర్వహించారు.

ఈ సంద‌ర్భంగా కమల్ హాసన్ (Kamal Haasan) మాట్లాడుతూ.. అందరికీ నమస్కారం. ఒక దర్శకుడిగా మణిరత్నం గారు నాయకుడు సినిమాతో ఎలా అయితే అందరినీ సర్ప్రైజ్ చేశారో.. థగ్ లైఫ్ తో కూడ ఆయన ఆడియన్స్ ని సర్ప్రైజ్ చేయబోతున్నారు. నన్ను ద్రోణాచార్యతో పోల్చారు. కానీ నేను ద్రోణాచార్యుని కాదు. నేను ఇంకా విద్యార్థినే. ఒకరికి నేర్పాలంటే మన ముందు నేర్చుకోవాలి. నేను ఇంకా నేర్చుకుంటూనే ఉన్నాను. మీరు కూడా నాతో పాటు కలిసి నేర్చుకోండి. నేను మణిరత్నం గారి సినిమాలో యాక్ట్ చేయను, జస్ట్ బిహేవ్ చేస్తాను. మేమంతా సినిమా అభిమానులం. సినిమాని ఎప్పుడు కూడా భుజాలపై మోస్తాం. నాజర్ గారు ఆల్రౌండర్. మేము ఎప్పటినుంచో జర్నీ చేస్తున్నాం. ఇంద్రుడు చంద్రుడు సినిమాకి తనికెళ్ల భరణి గారు రాయాల్సింది. కానీ అది కుదరలేదు. ఆయనతో కలిసి మరింత ప్రయాణం చేయాలని ఉంది. ఆయన ఇంకా ఎక్కువ రాయాలని కోరుకుంటున్నాను అన్నారు.

శింబు చైల్డ్ వుడ్ నుంచి నేను తన సినిమాలు చూస్తూ ఉన్నాను. నేను కూడా చైల్డ్ యాక్టర్ నుంచి జర్నీ స్టార్ట్ చేశాను. అందుకే మేము ఎంతో కనెక్ట్ అయ్యాం. ఏదైనా సినిమానే మాకు నేర్పింది. నేను అందుకే ఒక సినిమా విద్యార్థిగానే నన్ను నేను చెప్పుకుంటాను. నేను మనసుపెట్టి చేసిన ప్రతి సినిమా గొప్ప విజయాన్ని సాధించింది. థగ్ లైఫ్ మనసుపెట్టి చేసిన సినిమా. అభిరామి మళ్ళీ సినిమాల్లో నటించడం ఆనందంగా ఉంది. ఇది ఒక ఫెంటాస్టిక్స్ టీం తో చేసిన సినిమా. గొప్పగా సెలబ్రేట్ చేసుకునే సినిమా ఇలాంటి సినిమా మళ్లీ మళ్లీ రాదు. అందుకే సినిమాని ప్రమోట్ చేయడానికి ప్రయత్నిస్తున్నాను. ఈ సినిమా నాయకుడు కంటే పెద్ద విజయం సాధిస్తుంది. ఇది నా ప్రామిస్. ఈ సినిమా ఫస్ట్ డే షూటింగ్ అప్పటినుంచి చాలా ఎక్సైట్ మెంట్ ఉంది. ఇప్పటికే కంటిన్యూ అవుతుంది. నేను తెలుగులోనే స్టార్ గా ఎదిగాను. స్టార్ గా నేను పుట్టిన ఇల్లు తెలుగు. అందుకు తెలుగు ప్రేక్షకులకు కృతజ్ఞతలు. జూన్ 5న సినిమా వస్తోంది. చాలా ప్రేమతో చేసిన సినిమా ఇది. సినిమా చూసిన తర్వాత మరింత గొప్పగా సెలబ్రేట్ చేసుకుందాం'అన్నారు.

డైరెక్టర్ మణిరత్నం (Maniratnam) మాట్లాడుతూ.. కమల్ గారితో ఫస్ట్ టైం నాయకుడు సినిమా చేశాను. మౌనరాగం పూర్తయిన తర్వాత ఇంట్లో కూర్చుని ఉన్నాను. నిర్మాత ముక్తా శ్రీనివాసన్ గారు వచ్చి ఒక హిందీ సినిమా క్యాసెట్ చేతిలో పెట్టి తమిళ్లో చేయాలని చెప్పారు. నాకు రీమేక్ చేసే ఉద్దేశం లేదు. అయితే ఇదే మాట కమలహాసన్ గారితో చెప్పమన్నారు. నేను వెళ్లి ఆయనకు అదే చెప్పాను. అయితే నువ్వేం చేయాలనుకుంటున్నావో ఆ సినిమా చేద్దామన్న అని చెప్పారు. అలా నాయకుడు సినిమా వచ్చింది. ఈ సినిమా కూడా అలానే జరిగింది. కాల్ చేసి ఇద్దరం కలిసి ఒక సినిమా చేద్దామని చెప్పారు. అలా ఈ సినిమా జర్నీ మొదలైంది. ఆయనతో ఇన్నేళ్ల తర్వాత సెకండ్ సినిమా అవకాశం రావడం ఆనందంగా ఉంది. ఆయనతో వర్క్ చేయడం వండర్ఫుల్ ఎక్స్పీరియన్స్. ఆయన నాయకుడు సినిమా సమయంలో ఎలా ఉన్నారో.. ఇప్పుడు కూడా అలానే ఉన్నారు. నేను డైరెక్టర్ కాకముందు నుంచి ఆయన్ని చూస్తున్నాను. ఆయనలో ఏ మార్పు లేదు. ఆయన దర్శకుడు ఏమనుకుంటున్నాడో దాన్ని అర్థం చేసుకొని సపోర్ట్ చేసే హీరో'అన్నారు

హీరో శింబు (Simbu) మాట్లాడుతూ.. తెలుగు ఆడియన్స్ నాకు చాలా స్పెషల్. నా బిగినింగ్ కెరియర్లో మన్మధ సినిమాకి తెలుగు ఆడియన్స్ నుంచి వచ్చిన రెస్పాన్స్ మర్చిపోలేను. ఒజీలో నేను పాడిన పాట‌ త్వరలో రాబోతుంది. పవన్ కళ్యాణ్ గారి కోసం పాడటం నిజంగా ఒక డ్రీమ్. థాంక్యూ సో మచ్ మణిరత్నం గారు ఆయన క్రమశిక్షణ, టైమింగ్ అద్భుతం. కమల్ గారితో వర్క్ చేయడం గ్రేట్ ఎక్స్పీరియన్స్'అన్నారు. అశోక్ సెల్వన్ మాట్లాడుతూ.. తెలుగు ఆడియన్స్ ని కలుసుకోవడం చాలా ఆనందంగా ఉంది. మణిరత్నం గారికి ఎప్పటికీ రుణపడి ఉంటాను. మా గురువుగారు కమలహాసన్ గారితో కలిసి నటించడం గ్రేట్ ఎక్స్పీరియన్స్. ఇది ఒక డ్రీమ్ ప్రాజెక్టు. తప్పకుండా మీ అందరికీ నచ్చుతుంది'అన్నారు.

హీరోయిన్ త్రిష (Trisha) మాట్లాడుతూ.. నాకు హైదరాబాద్ సెకండ్ హోమ్ ఇక్కడికి ఎప్పుడు వచ్చినా చాలా ఆనందంగా ఉంటుంది. నాకు ఇంత సపోర్ట్ ఇచ్చిన తెలుగు ఆడియన్స్ అందరికీ థాంక్యూ. ఈ సినిమా ఒక బ్యూటిఫుల్ జర్నీ. నేను నాయకుడు సినిమా చూస్తూ పెరిగాను. ఇప్పుడు మణిరత్నం గారు కమలహాసన్ గారితో కలిసి వర్క్ చేసే అవకాశం రావడం గొప్ప అదృష్టంగా భావిస్తున్నాను. తప్పకుండా ఈ సినిమా మీ అందరిని అలరిస్తుందని తెలిపారు. అభిరామి మాట్లాడుతూ.. ఒక మంచి సినిమా వస్తే తెలుగు ప్రేక్షకులు సపోర్ట్ వేరే లెవల్. మీ ప్రేమకి కృతజ్ఞతలు. ఈ సినిమా నాకు ఒక డ్రీమ్ ప్రాజెక్ట్. మణిరత్నం, కమల్ హాసన్, ఏఆర్ రెహమాన్, శింబు ఇలాంటి లెజెండ్స్ తో వర్క్ చేయడం ఒక డ్రీమ్. ఈ సినిమాతో చాలా విషయాలు నేర్చుకున్నాను. ఒక యాక్టింగ్ స్కూల్ కి వెళ్లి వచ్చిన ఫీలింగ్ ఉంది. మీరందరూ చాలా ప్రేమతో ఈ సినిమా చేసాం. మీరందరూ కూడా థియేటర్స్ లో చూసి సినిమాని సక్సెస్ చేస్తారని కోరుకుంటున్నాను.

యాక్టర్ నాజర్ మాట్లాడుతూ.. ఈ సినిమా కోసం ఒక రోజంతా మాట్లాడొచ్చు. ప్రపంచంలో గ్రేటెస్ట్ యాక్టర్ కమల్ హాసన్. ఇండియన్ సినిమాని మార్చిన దర్శకుడు మణిరత్నం గారు. ఆస్కార్ అవార్డు విజేత ఏఆర్ రెహమాన్ గారు.. ఇలా ఒక అద్భుతమైన టీం తో కలిసి వర్క్ చేయడం ఒక డ్రీమ్. 38 ఏళ్ల తర్వాత కమల్ హాసన్ గారితో కలిసి వర్క్ చేయడం ఒక అదృష్టం. ఇది నా జీవితంలో వన్ అఫ్ ది గ్రేటెస్ట్ మూమెంట్. తప్పకుండా ఈ సినిమా చాలా పెద్ద విజయం సాధిస్తుంది. అందరి అంచనాలని అందుకుంటుంది'అన్నారు.యాక్టర్ తనికెళ్ల భరణి మాట్లాడుతూ.. కమల్ హాసన్ గారి మరో చరిత్ర సినిమా దీపక్ మహల్ లో చూశాను ఆయన్ని చూడడమే ఒక అదృష్టం దగ్గర నుంచి ఆయనతో కలిసి నటించే అవకాశం రావడం మహా అదృష్టంగా భావిస్తున్నాను. ఈ సినిమా యావత్ భారత దేశంలో ఒక సెన్సేషన్ క్రియేట్ చేస్తుంది'అన్నారు

సుహాసిని మాట్లాడుతూ.. నేను ఇక్కడికి వస్తే ఒక పుట్టింటికి వచ్చిన ఫీలింగ్ కలుగుతుంది. మళ్ళీ మళ్ళీ ఇలాంటి రోజు రాదు. ద బెస్ట్ టాలెంట్ కలిసి ఒక సినిమాతో మీ ముందుకు వస్తున్నారు. ప్రేక్షకుల మీద చాలా ప్రేమతో చేసిన సినిమా ఇది. ఆడియన్స్ కూడా అంత గొప్పగా ఆదరిస్తారని నమ్మకం ఉంది. సినిమాలో అందరూ అదరగొట్టేసారు. ఈ సినిమా కోసం మీలానే జూన్ ఫిఫ్త్ కోసం ఒక ఆడియన్ లాగా ఎదురుచూస్తున్నా అన్నారు. నిర్మాత సుధాకర్ రెడ్డి మాట్లాడుతూ.. ఈ సినిమా నాకు ఇచ్చినందుకు కమల్ సార్ కి మహేందర్ సార్ కి థాంక్యూ. ప్రీవియస్ సినిమాలు రెండు నేనే రిలీజ్ చేశాను. ఆ రెండు కూడా బ్లాక్ బస్టర్ హిట్స్ అయ్యాయి. ఈ ట్రైలర్ సాంగ్స్ చూసిన తర్వాత ఈ సినిమా మెగా బ్లాక్ బస్టర్ అవుతుందని నమ్మకం ఉంది. కమల్ సార్ కెరియర్లో బిగ్గెస్ట్ హిట్ అవుతుంది అన్నారు.