Havish: నేను రెడీ.. తాజా షెడ్యూల్‌ ఎక్కడంటే..
ABN , Publish Date - Sep 01 , 2025 | 12:01 PM
హవీష్‌, నక్కిన త్రినాథరావు దర్శకత్వంలో ఓ చిత్రంలో నటిస్తున్నారు. కావ్య థాపర్‌ హీరోయిన్‌గా నటిస్తోంది. కుటుంబ కథా చిత్రంగా తెరకెక్కుతోన్న ఈ సినిమాకు ‘నేను రెడీ’ అనే టైటిల్‌ను ఖరారు చేశారు.
నువ్విలా, జీనియస్‌, రామ్‌ లీలా, సెవెన్‌ వంటి చిత్రాలతో హీరోగా పొందిన గుర్తింపు తెచ్చుకున్నారు హవీష్‌. ప్రస్తుతం నక్కిన త్రినాథరావు దర్శకత్వంలో ఓ చిత్రంలో నటిస్తున్నారు. కావ్య థాపర్‌ హీరోయిన్‌గా నటిస్తోంది. నిఖిల కోనేరు నిర్మాత. కుటుంబ కథా చిత్రంగా తెరకెక్కుతోన్న ఈ సినిమాకు ‘నేను రెడీ’ అనే టైటిల్‌ను ఖరారు చేశారు.
ప్రస్తుతం ఈ సినిమా తాజా షెడ్యూల్‌ - టాకీ పార్ట్‌ రామోజీ ఫిల్మ్‌సిటీలో ప్రారంభమైంది. ప్రధాన తారాగణం పై కీలక సన్నివేశాలు చిత్రీకరిస్తున్నారు. వీలైనంత త్వరలో చిత్రీకరణ పూర్తి చేసి సినిమాను విడుదల చేయడానికి సన్నాహాలు చేస్తున్నారు.
‘ఇదొక ఫ్యామిలీ బొనాంజా మూవీ. అప్పట్లో ‘పెళ్లిసందడి’ సినిమాలో ఇండస్ర్టీలోని కమెడియన్స్‌ అంతా నటించారు. ఇందులో కూడా ఫ్రేమ్‌ నిండా ఆర్టిస్టులతో కళకళలాడుతుంది. మిక్కీ జే మేయర్‌ మ్యూజిక్‌, నిజార్‌ విజువల్స్‌ బ్యూటిఫుల్‌గా ఉంటాయి. ఈ చిత్రంలో సరదాలు, ఎమోషన్స్‌ అందర్నీ ఆకట్టుకుంటాయి. ప్రేక్షకులంతా సకుటుంబంగా థియేటర్స్‌కు వచ్చి రెండున్నర గంటలపాటు నవ్వుకుని, చివరి పదిహేను నిమిషాలు ఎమోషన్‌ ఫీల్‌తో బయటకు వెళ్తారు’ అని దర్శకుడు చెప్పారు.