Euphoria: డిసెంబర్‌లో.. గుణ‌శేఖ‌ర్ ‘యుఫోరియా’

అంతా నూతన నటీనటులతో దర్శకుడు గుణశేఖర్ (Gunasekhar) దర్శకత్వం వహిస్తున్న తాజా చిత్రం ‘యుఫోరియా’(Euphoria). భూమికా చావ్లా (Bhumika Chawla) శక్తిమంతమైన పాత్రలో కనిపించనున్నారు. సారా అర్జున్ ( Sara Arjun), నాజర్‌, రోహిత్‌ ప్రధాన తారాగణం. రాగిణి గుణ సమర్పణలో నీలిమ గుణ, యుక్తా గుణ నిర్మించారు. చిత్రబృందం తాజాగా ఆదివారం విడుదల తేదీని ప్రకటించింది. డిసెంబర్‌ 25న ‘యుఫోరియా’ చిత్రాన్ని ప్రేక్షకుల ముందుకు తీసుకొస్తున్నట్లు తెలిపింది.

ఈ సందర్భంగా విడుదల చేసిన రిలీజ్‌ డేట్‌ పోస్టర్‌లో చిరు దరహాసంతో కూడిన లుక్‌లో భూమిక కనిపించి ఆకట్టుకున్నారు. అన్ని వర్గాల ప్రేక్షకులను ఆకట్టుకునే హంగులతో ఈ చిత్రాన్ని రూపొందించినట్లు యూనిట్‌ తెలిపింది. కాలభైరవ సంగీతం అందిస్తున్న ఈ చిత్రానికి సినిమాటోగ్రఫీ: ప్రవీణ్‌ కే పోతన్‌.