తొలి గీతం విడుదల

సాత్విక్‌ వర్మ, ప్రీతి నేహా హీరో హీరోయిన్లుగా భాను దర్శకత్వంలో తెరకెక్కుతోన్న చిత్రం ‘ప్రేమిస్తున్నా’. వరలక్ష్మీ పప్పుల సమర్పణలో కనకదుర్గారావు పప్పుల నిర్మిస్తున్నారు. తాజాగా ఈ చిత్రం ఫస్ట్‌ లుక్‌ని మేకర్స్‌ ఆవిష్కరించారు. అదేవిధంగా ‘అరెరె’ అంటూ సాగే తొలి గీతాన్ని భీమ్స్‌ విడుదల చేశారు. సుద్దాల అశోక్‌ తేజ సాహిత్యానికి సిద్ధార్థ్‌ సాలూర్‌ సంగీతం అందించారు. అనురాగ్‌ కులకర్ణి ఆలపించారు. ఈ కార్యక్రమంలో దర్శకుడు భాను మాట్లాడుతూ ‘మంచి ప్రేమ కథతో త్వరలో ప్రేక్షకుల ముందుకు రాబోతున్నాము. ఇది అందరికీ కనెక్ట్‌ అయ్యే సినిమా అవుతుంది’ అని అన్నారు.