Jr NTR: మోహన్‌లాల్‌.. భారతీయ సినీ ప్రపంచానికి నిజ‌మైన ఐకాన్‌

మలయాళ అగ్ర కథానాయకుడు మోహన్‌లాల్‌ను కేంద్ర ప్రభుత్వం దాదాసాహేబ్‌ ఫాల్కే అవార్డు (dadasaheb phalke award) కు ఎంపిక చేయడం పట్ల చిత్రపరిశ్రమకు చెందిన పలువురు ప్రముఖులు హర్షం వ్యక్తం చేశారు. ఈ నేప‌థ్యంలో టాలీవుడ్ నుంచి ప్ర‌థ‌మంగా మెగాస్టార్‌ చిరంజీవి (Chiranjeevi) మోహన్‌లాల్‌ను సోషల్‌ మీడియా ద్వారా అభినందించారు.

‘డియర్‌ లాలెట్టన్‌. ప్రతిష్ఠాత్మక దాదాసాహెబ్‌ ఫాల్కే అవార్డు లభించినందుకు హృదయపూర్వక అభినందనలు. మీ అద్భుతమైన ప్రయాణం, ఐకానిక్‌ పెర్ఫార్మెన్స్‌, భారతీయ సినిమాను సుసంపన్నం చేశాయి. నిజంగా ఇది మీ ప్రతిభకు తగిన గుర్తింపు’ అని చిరంజీవి పేర్కొన్నారు.

ఆపై జూనియ‌ర్ ఎన్టీఆర్ (Jr NTR) సైతం స్పందిస్తూ.. లెజెండరీ నటుడు మోహ‌న్లాల్ (Mohanlal )గారికి ప్రతిష్టాత్మక దాదాసాహెబ్ ఫాల్కే అవార్డు లభించిన సందర్భంగా హృదయపూర్వక అభినందనలు. భారతీయ సినీ ప్రపంచానికి నిజమైన ఐకాన్ అయిన ఆయన ఈ గౌరవానికి పూర్తి స్థాయిలో అర్హులు అంటూ శుభాకాంక్ష‌లు తెలిపారు.