Thimmarajupalli TV: ఔత్సాహిక కళాకారులకు అండగా కిరణ్ అబ్బవరం
ABN , Publish Date - Nov 29 , 2025 | 06:28 PM
ఏ బ్యాక్ గ్రౌండ్ లేకుండా సినిమా ఇండస్ట్రీలో పేరు తెచ్చుకోవాలని ఆశపడే ఔత్సాహిక నటీనటులు, సాంకేతిక నిపుణులకు అండగా నిలవడానికి సిద్ధమయ్యారు కిరణ్ అబ్బవరం.
ఏ బ్యాక్ గ్రౌండ్ లేకుండా సినిమా ఇండస్ట్రీలో పేరు తెచ్చుకోవాలని ఆశపడే ఔత్సాహిక నటీనటులు, సాంకేతిక నిపుణులకు అండగా నిలవడానికి సిద్ధమయ్యారు కిరణ్ అబ్బవరం. సుమైర స్టూడియోస్ తో కలిసి తన నిర్మాణ సంస్థ కేఏ ప్రొడక్షన్స్ పై నిర్మిస్తున్న సినిమా 'తిమ్మరాజుపల్లి టీవీ'. సాయి తేజ్, వేద జలంధర్ హీరో హీరోయిన్స్ గా పరిచయమవుతున్నారు. వి.మునిరాజు దర్శకుడిగా పరిచయమవుతున్నారు. విలేజ్ బ్యాక్ డ్రాప్ లో సాగే పీరియాడిక్ డ్రామాగా రూపొందుతున్న ఈ సినిమా త్వరలోనే గ్రాండ్ థియేట్రికల్ రిలీజ్ కు రెడీ అవుతోంది.
శనివారం 'తిమ్మరాజుపల్లి టీవీ' సినిమా నుంచి ఫస్ట్ సింగిల్ 'చిన్ని చిన్ని గుండెలోన' రిలీజ్ చేశారు. చక్కని పల్లె వాతావరణంలో చిత్రీకరించిన లవ్ సాంగ్ ఇది. ఈ పాటను క్యాచీ ట్యూన్ తో వంశీకాంత్ రేఖన కంపోజ్ చేశారు. సనరే లిరిక్స్ రాయగా, మంచి లవ్ ఫీల్ తో హరిణి ఇవటూరి, పవన్ కల్యాణ్ పాడారు