Bhagyashri Borse: భాగ్యశ్రీ.. మొత్తానికి హిట్ కొట్టింది! మూడు సినిమాల్లో.. ఇదే బెస్ట్
ABN , Publish Date - Nov 30 , 2025 | 01:45 PM
'మిస్టర్ బచ్చన్' సినిమాతో టాలీవుడ్లో అడుగు పెట్టింది భాగ్యశ్రీ బోర్సే. తన గ్లామర్, డాన్సులతో యూత్ను విపరీతంగా, ప్రేక్షకుల్లో మంచి ఫాలోయింగ్ తెచ్చుకుంది.
'మిస్టర్ బచ్చన్' (Mr Bachan) సినిమాతో టాలీవుడ్లో అడుగు పెట్టింది భాగ్యశ్రీ బోర్సే (Bhagyashri Borse). తన గ్లామర్, డాన్సులతో యూత్ను విపరీతంగా, ప్రేక్షకుల్లో మంచి ఫాలోయింగ్ తెచ్చుకుంది. తొలి సినిమాతోనే కమర్షియల్ హీరోయిన్ ట్యాగ్ ఇచ్చింది. దాంతో వరుస చిత్రాలు అవకాశాలు వచ్చాయి. తదుపరి విజయ్ దేవరకొండతో ‘కింగ్డమ్’ సినిమా చేసింది. అయితే అందులో పాత్ర అంతగా రిజిస్టర్ కాలేదు. ఈ సినిమా భాగ్యశ్రీ ఖాతాలో డిజాస్టర్గా మిగిలింది. దుల్కర్ సల్మాన్తో కలిసి నటించిన ‘కాంత’ ఇటీవల ప్రేక్షకుల ముందుకొచ్చింది. ఇది తెలుగులోనూ విడుదలైంది. అందులో భాగ్యశ్రీ చేసిన పాత్ర అన్ని వర్గాల ప్రేక్షకుల్ని మెప్పించింది. నటన పరంగానూ మంచి పేరు తీసుకొచ్చింది. క్లాసిక్ లుక్, పాత్రలో లీనమై చెప్పిన డైలాగులు.. ఇవన్నీ ఆమెకు నటిగా ఒక స్థానాన్ని కల్పించాయి.
అయితే ఆ సినిమా కూడా బాక్సాఫీస్ వద్ద అంతగా ప్రభావం చూపలేదు. సరైన సక్సెస్ కోసం ఎదురుచూస్తున్న తరుణంలో ‘ఆంధా కింగ్ తాలూకా’ రిజల్ట్ ఆమెకు మంచి ఉత్సాహాన్ని ఇచ్చింది. ఈ చిత్రంలో మహాలక్ష్మి పాత్రలో భాగ్యశ్రీగా హుందాగా కనిపించింది. స్ర్కీన్ ప్రెజెన్స్, రామ్తో కెమిస్ర్టీ రెండూ బాగా వర్క్ అవుట్ అయ్యాయి. ఇప్పటివరకు ఆమె చేసిన చిత్రాలన్నిటికంటే మంచి టాక్, చక్కన్ని వసూళ్లు రాబట్టింది ఈ చిత్రమే! ఈ సినిమా హిట్ అయినందుకు, హిట్ సినిమాలో భాగమైనందుకు ఆనందిస్తోంది భాగ్యశ్రీ.