NBK 111: హిస్టారికల్ కథకు భారీ యాక్షన్‌ను జోడించి.. 

బాలకృష్ణ(Bala Krishna), దర్శకుడు గోపీచంద్‌ మలినేని (Gopichand Malineni) కాంబినేషన్లో  వచ్చిన  ‘వీరసింహారెడ్డి’ విజయవంతంగా ఆడింది. ఇప్పుడు వీరిద్దరి కలయికలో మరో సినిమా రాబోతోంది. ‘ఎన్‌బీకే 111’ (NBK 111) వర్కింగ్‌ టైటిల్‌తో పట్టాలెక్కనున్న ఈ చిత్రాన్ని వెంకట సతీశ్‌ కిలారు నిర్మించనున్నారు. ప్రస్తుతం ప్రీ ప్రొడక్షన్  పనుల్లో ఉన్న ఈ సినిమాని దసరా పండగ సందర్భంగా ప్రారంభించేందుకు సన్నాహాలు చేస్తున్నట్లు తెలిసింది. హిస్టారికల్ కథకు  భారీ యాక్షన్‌ను జోడించి ఓ వినూత్నమైన ఎపిక్‌ స్టోరీతో ఈ చిత్రాన్ని రూపొందించనున్నట్లు..చిత్ర  బృందం ప్రకటన రోజే వెల్లడించింది. 

ఇందులో బాలయ్య మునుపెన్నడూ చూడని శక్తిమంతమైన పాత్రలో కనువిందు చేయనున్నట్లు సమాచారం. ప్రస్తుతం ఆయన అఖండ 2 చిత్రంతో బిజీ గా ఉన్నారు. తదుపరి దర్శకుడు క్రిష్‌ జాగర్లమూడితో ఓ సినిమా చేయడానికి సన్నాహాలు చేస్తున్నారు. విజయ దశమికి ఈ సినిమాపై కూడా స్పష్టత వచ్చే అవకాశముందని వార్తలొస్తున్నాయి.