Vana Veera: ఇదేక్క‌డి విడ్డూరం.. వారంలోనే సినిమా పేరు మార్చారు

అవినాష్ తిరువీధుల (Avinash Thiruveedhula) స్వీయ ద‌ర్శ‌క‌త్వంలో హీరోగా పరిచయమవుతూ తెర‌కెక్కించిన చిత్రం వ‌న‌వీర (Vana Veera). హీరోయిన్‌గా సిమ్రాన్ చౌదరి (Simran Choudhary), ప్రతినాయకుడిగా నందు (Nandu) న‌టించారు. ఇప్ప‌టికే విడుద‌ల కావాల్సి ఉన్న ఈ సినిమా భారీ చిత్రాల పోటీ వ‌ళ్ల వాయిదా ప‌డింది.

ఈ చిత్రాన్ని శంతను పత్తి సమర్పణలో అవినాష్ బుయానీ, ఆలపాటి రాజా, సి. అంకిత్ రెడ్డి నిర్మిస్తున్నారు. సాయిమాధవ్ బుర్రా డైలాగ్స్, వివేక్ సాగర్ (Vivek Sagar) మ్యూజిక్ అందిస్తున్న ఈ మైథలాజికల్ రూరల్ డ్రామా న్యూ ఇయర్ సందర్భంగా జనవరి 1న వరల్డ్ వైడ్ గ్రాండ్ థియేట్రికల్ రిలీజ్ కు రెడీ అవుతోంది.

అయితే.. నిన్న‌, మొన్న‌టి వ‌ర‌కు 'వానర' అనే పేరుతో ఈ సినిమాను ప‌బ్లిసిటీ చేసి, టీజ‌ర్, పాట‌లు సైతం రిలీజ్ చేసిన మేక‌ర్స్ తాజాగా ట్రైల‌ర్ విడుద‌ల చేసి సిన‌మా టైటిల్‌ను వ‌న‌వీర‌గా మార్చి షాకిచ్చారు. ఇక ట్రైల‌ర్ చూస్తే స‌గ‌టు ప్రేక్ష‌కుడు కోరుకునే అన్ని హంగుల‌ను ఏరి కూర్చి మ‌రి మూవీని తీర్చ‌దిద్దిన‌ట్లు అర్ధ‌మ‌వుతుంది.

ఈ సంద‌ర్భంగా అవినాశ్‌ తిరువీధుల మాట్లాడుతూ ‘నిబంధనల ప్రకారమే మా చిత్రం టైటిల్‌ని రిజిష్టర్‌ చేసుకున్నాం. ఇప్పుడు విడుదలకు మందు టైటిల్‌ మార్చమని సెన్సార్‌ బోర్డు వాళ్లు చెప్పారు. వారి సూచనలతో ‘వానర’ టైటిల్‌ని ‘వనవీర’గా మార్చాం’ అని తెలిపారు. నిర్మాత శంతను పత్తి మాట్లాడుతూ ‘తెరపై చూసినప్పుడు ఈ చిత్రం ఒక పెద్ద సినిమాలా అనిపిస్తుంది. చిన్న సినిమా అనే భావన రాదు’ అని అన్నారు. నటుడు హర్ష మాట్లాడుతూ ‘అందరిలాగే మేమూ ఈ సినిమా కోసం ఎంతో కష్టపడ్డాం. ఈ సినిమా ఏంటో ట్రైలర్‌తోనే తెలుస్తోంది. ఒక తండ్రి కోసం కొడుకు పడిన కష్టం ఈ సినిమా అని చెప్పొచ్చు’ అని అన్నారు.