Actor Vishal Gets Engaged: విశాల్‌ ధన్సిక నిశ్చితార్థం

కోలీవుడ్‌ హీరో, నడిగర్‌ సంఘం ప్రధాన కార్యదర్శి విశాల్‌, హీరోయిన్‌ ధన్సికల వివాహ నిశ్చితార్థం శుక్రవారం చెన్నైలో జరిగింది. ఈ విషయాన్ని ఆయన సోషల్‌ మీడియా వేదికగా వెల్లడించారు. ఈ వేడుకలో ఇరు కుటుంబాల సభ్యులు మాత్రమే పాల్గొన్నట్టు వెల్లడించిన విశాల్‌.. అందరి అశీస్సులు కావాలని కోరుతూ తమ నిశ్చితార్థ ఫోటోలను ఎక్స్‌ వేదికగా షేర్‌ చేశారు. ‘ఈ రోజున మా కుటుంబ సభ్యుల సమక్షంలో ధన్సికకు, నాకు నిశ్చితార్థం జరిగింది. ఈ విషయాన్ని ఎంతో సంతోషంగా మీడియా ద్వారా అందరికీ తెలియజేస్తున్నాను. వివాహ తేదీని త్వరలోనే వెల్లడిస్తాం. ధన్సికతో నిశ్చితార్థం జరిగిన నేపథ్యంలో త్వరలోనే నా బ్యాచిలర్‌ జీవితానికి ముగింపు రానుంది. ఇకపై నా సినిమాల్లో ముద్దు సన్నివేశాలు ఉండవు’ అని పేర్కొన్నారు.