Sitaare Zameen Par: తెలుగులోనూ.. అమీర్ ఖాన్ సినిమా! ట్రైల‌ర్ చూశారా

అమీర్‌ఖాన్ (Aamir Khan) ద‌ర్శ‌క‌త్వం వ‌హించ‌డంతో పాటు ప్ర‌ధాన పాత్ర‌లో న‌టించ‌గా 2007లో విడుద‌లై సంచ‌ల‌న విజ‌యం సాధించిన చిత్రం తారే జ‌మీన్ ఫ‌ర్ (Taare Zameen Par). ఇప్పుడు ఈ చిత్రానికి సీక్వెల్‌గా రూపొందించిన సినిమా సితారే జ‌మీన్ ఫ‌ర్ (Sitaare Zameen Par). 2018లో స్పానిష్‌ ఛాంపియ‌న్స్ (Champions) మూవీ ఆధారంగా హిందీలో రూపొందించిన‌ ఈ సినిమాకు దివ్య నిధి శ‌ర్మ (Divy Nidhi Sharma) క‌థ అందించ‌గా R. S. ప్ర‌స‌న్న (R. S. Prasanna) ద‌ర్శ‌క‌త్వం వ‌హించాడు. అమీర్ ఖాన్ స్వ‌యంగా నిర్మించాడు. జెనీలియా దేశ్‌ముఖ్ కీల‌క పాత్ర పోషించింది. జూన్ 20న ఈ సినిమా ప్రేక్ష‌కుల ముందుకు రానుంది.

ఇప్ప‌టికే విడుద‌ల చేసిన ఈ మూవీ టీజ‌ర్, ట్రైల‌ర్ సినిమాపై నెమ్మ‌దిగా అంచ‌నాల‌ను పెంచుతుండ‌గా షూర్ షాట్ హిట్ అనే టాక్ ప‌బ్లిక్ నుంచి బాగా వినిపిస్తోంది. అయితే ఇప్పుడు ఈ సినిమాను తెలుగులో తీసుకు వ‌చ్చేందుకు ప్ర‌య‌త్నాలు చేస్తున్నారు. ట్రైల‌ర్‌లోనే సుమారు క‌థ అతా చెప్పేశారు. ఈ చిత్రంలో అమీర్ ఖాన్ బాస్కెట్ బాల్ కోచ్‌గా న‌టించాడు. తాగిన‌ మ‌త్తులో పోలీస్ వాహానాన్ని ఢీ కొట్ట‌డంతో అత‌నిపై కేసు న‌మోదు చేస్తారు. కోర్టు మూడు నెల‌ల పాటు మాన‌సిక ప‌రిప‌క్వ‌త లేని వారికి బాస్కెట్ బాల్‌లో శిక్ష‌ణ ఇవ్వాల‌ని తీర్పునిస్తుంది. ఈ నేప‌థ్యంలో ఆ కోచ్ వారికి ఎలా త‌ర్ఫీదు ఇచ్చాడు, ఎలాంటి ఇబ్బందులు ఎదుర‌య్యాయి, వాటిని ఎలా అధిగ‌మించాడు చివ‌కు క‌ప్పు గెలిచారా లేదా అనే ఆస‌క్తిక‌ర‌మైన క‌థ‌క‌థ‌నాల‌తో మూవీ ఎమోష‌న‌ల్, కామెడీగా సితారే జ‌మీన్ ఫ‌ర్ (Sitaare Zameen Par) సినిమా ఉండ‌నుంది.