Akhil Raj: ఈషా.. కథ విన్న వెంటనే షాక్ అయ్యా
ABN , Publish Date - Dec 24 , 2025 | 06:21 AM
హారర్ థ్రిల్లర్ ‘ఈషా’ కథ విన్న వెంటనే షాక్కు గురయ్యానని హీరో అఖిల్ రాజ్ అన్నారు. డిసెంబర్ 25న విడుదల కానున్న ఈషా సినిమా విశేషాలు, అఖిల్ రాజ్ ఇంటర్వ్యూ పూర్తి వివరాలు.
‘ఈషా’ కథ వినగానే ఒక్కసారిగా షాక్కి గురయ్యాను. హారర్ చిత్రాలు చూసేవారికి తప్పనిసరిగా కొత్త అనుభూతిని ఇస్తుంది’ అని అన్నారు హీరో అఖిల్ రాజ్ (Akhil Raj). ఆయన కథానాయకుడిగా శ్రీనివాస్ మన్నె దర్శకత్వంలో తెరకెక్కిన చిత్రమిది. సినిమా ఈ శుక్రవారం విడుదలవుతున్న సందర్భంగా అఖిల్ రాజ్ మీడియాతో ముచ్చటించారు.
‘కథ చెప్పినప్పుడు అందరితోపాటు నేనూ ఉలిక్కి పడ్డాను. ట్రైలర్ చూసినప్పుడు కూడా అదే ఫీలింగ్. సౌండ్ డిజైనింగ్ భయంకరంగా ఉంటుంది. ఈ సినిమాలో వినయ్ అనే పాత్రలో నటించాను. సినిమా పట్ల క్లారిటీ ఉన్న దర్శకుడు మన్నె శ్రీనివాస్. థ్రిల్లింగ్ ఎలిమెంట్స్ విషయంలో ఆయన చాలా స్ట్రాంగ్. ఈ సినిమా తప్పకుండా విజయవంతం అవుతుందన్న నమ్మకం నాకుంది’ అని ఆయన చెప్పారు.
ఇటీవల లిటిల్హార్ట్స్, రాజు వెడ్స్ రాంబాయి లాంటి సూపర్హిట్ కల్ట్ చిత్రాలను ప్రేక్షకులకు అందించిన బన్నీవాస్, వంశీ నందిపాటి ద్వయం తాజాగా 'ఈషా (Eesha)పేరుతో ఓహారర్ థ్రిల్లర్ను ప్రేక్షకుల ముందుకు తీసుకరాబోతున్నారు. వంశీ నందిపాటి ఎంటర్ టైన్ మెంట్స్, బన్నీ వాస్ వర్క్స్ బ్యానర్స్ పై వంశీ నందిపాటి, బన్నీ వాస్ గ్రాండ్గా ఈ చిత్రాన్నిడిసెంబరు 25న చిత్రాన్ని థియేట్రికల్ రిలీజ్ చేస్తున్నారు.
ఇటీవల రాజు వెడ్స్ రాంబాయి చిత్రంతో సూపర్హిట్ కొట్టిన అఖిల్రాజ్తో పాటు త్రిగుణ్ ( Thrigun) హీరోలుగా నటిస్తున్న ఈ చిత్రంలో హెబ్బాపటేల్ కథానాయిక. సిరి హనుమంతు, బబ్లూ, పృథ్వీరాజ్ ఇతర ముఖ్యపాత్రల్లో నటిస్తున్న ఈ చిత్రాన్ని హెచ్వీఆర్ ప్రొడక్షన్స్ పతాకంపై ప్రముఖ నిర్మాత కేఎల్ దామోదర ప్రసాద్ సమర్పణలో హేమ వెంకటేశ్వరరావు ఈ చిత్రాన్ని నిర్మిస్తున్నారు. శ్రీనివాస్ మన్నె దర్శకత్వంలో రూపొందిన ఈ చిత్రం ఈ నెల 25న చిత్రం విడుదల కానుంది. ఈ నేపథ్యంలో హీరో అఖిల్ రాజ్ మంగళవారం విలేకరులతో మాట్లాడారు. ఆ విశేషాలివి.
రాజు వెడ్స్ రాంబాయి సక్సెస్ తరువాత కొంత గ్యాప్లోనే ఈషా సినిమాతో ప్రేక్షకుల ముందుకు వస్తున్నారు?
అనుకోకుండా ఈసినిమా విడుదల డేట్ కుదిరింది. రాజు వెడ్స్ రాంబాయి కంటే ముందు ఒప్పుకున్న సినిమా ఇది. అడిషన్ ఇచ్చి సెలెక్ట్ అయిన సినిమా ఇది. దర్శకుడు 'ఈషా' శ్రీనివాస్ రాగా గారు నన్నుఎంపిక చేసుకున్నారు. ప్రేక్షకులు ఈ సినిమాను కూడా ఆదరిస్తారని నమ్మకం ఉంది.
ఈషా కథ వినగానే మీకు ఎలా అనిపించింది?
ఈ కథ చెప్పగానే ఎంతో షాకింగ్గా అనిపించింది. నేను ఎంతో ఎంగేజ్ అయ్యాను. తప్పకుండా హారర్ థ్రిల్లర్ సినిమాలు చూస్తే వారికి కొత్త అనుభూతినిస్తుంది. సినిమాలో ట్విస్టులు, సౌండ్ డిజైనింగ్ సూపర్భ్. థియేట్రికల్ ఎక్స్పీరియన్ష్ ఇచ్చే సినిమా ఇది. ఈ సినిమా లైట్ ప్యాట్రాన్, విజువల్స్, సౌండ్ డిజైనింగ్ బాగుంటుంది. సినిమా కొత్త ఎక్స్పీరియన్స్ ఇస్తుంది.
కథ వినగానే మీరు ఉలిక్కిపడ్డారా?
కథ చెప్పినప్పుడు నేను కూడా ఉలిక్కి పడ్డాను. ట్రైలర్ చూసినప్పుడు కూడా అదే ఫిలింగ్. లిటిల్హార్ట్స్, రాజు వెడ్స్ రాంబాయి సినిమాను విడుదల చేసిన వంశీ నందిపాటి, బన్నీవాస్ ఆ సినిమా విషయాల్లో ఎలా సక్సెస్ అయ్యారో. ఈసినిమా విషయంలో కూడా అంతే సక్సెస్ అవుతారని నమ్ముతున్నాను. తప్పకుండా అందర్ని భయపెట్టే సినిమా ఇది.
ఈ సినిమాలో మీ పాత్ర ఎలా ఉంటుంది?
వినయ్ అనే పాత్రను చేస్తున్నాను. నలుగురు చిన్నప్పటి స్నేహితుల్లో నేను ఒకర్ని. త్రిగుణ్, సిరి, హెబ్బా పటేల్, మైమ్ మధు వంటి మంచి నటులతో తో కలిసి నటించడం సంతోషంగా ఉంది. ఈ సినిమా నుంచి చాలా నేర్చుకున్నాను. దర్శకుడు శ్రీనివాస్ రాగా నుంచి కూడా చాలా నేర్చుకున్నాను.
ఈ సినిమాకు ఎలాంటి హోమ్వర్క్ చేశారు.
ప్రతి ప్రాజెక్టును ఓన్ చేసుకోని చేస్తాను. ఈ సినిమా పట్ల కూడా అంతే నమ్మకంతో ఉన్నాను. నా వైపు నుంచి ఉన్న ప్రమోపన్ష్ కూడా చేస్తాను. ఫలితం ఆశించకుండా కష్టపడాలి. యూనివర్శ్ మనకు కావాలిసిన ఫలితం ఇస్తుంది. కంటెంట్ బాగున్న సినిమాను ఎవరూ ఆపలేరు.
అన్సెట్స్లో మీకు ఈ సినిమా షూటింగ్ జరుగుతున్నప్పుడు ఏమైనా సంఘటనలు జరిగాయా?
అరకులో షూటింగ్ పూర్తయిన తరువాత ఓ పురుగు కుట్టి ఫీవర్ వచ్చింది. ఆ తరువాత నెల రోజులు జ్వరం వచ్చింది. అంతే తప్ప ఇంకే మీ అనుకోని సంఘటనలు జరగలేదు.
హారర్ సినిమాలకు నేపథ్య సంగీతం ఎంతో ముఖ్యం ఈ సినిమా ఎలా ఉండబోతుంది?
సౌండ్ డిజైనింగ్ భయంకరంగా ఉంటుంది. అందరూ భయపడే విధంగా ఉంటుంది. నిజంగా హార్ట్ వీక్గా ఉన్నవాళ్లు ఈ సినిమాను చూడలేరేమో
హారర్ సినిమాను ఒప్పుకోవడానికి రీజన్ ఏమిటి?
వెర్సెటైల్ యాక్టర్గా అనిపించుకోకుడం నాకు ఇష్టం. ఇన్ని రోజులు రాజు అనే పాత్రలో ఉన్నాను. ఇక ఆ పాత్ర నుంచి వినయ్ రోల్లో త్వరలో కనిపిస్తాను. ఈ పాత్రకు ఎలాంటి రెస్పాన్స్ వస్తుందో చూడాలి. కంప్లీట్ డిఫరెంట్ రోల్స్.. హారర్ అంటే ఇమేజినేషన్ కేటగిరి. పర్ఫార్మెన్స్కు స్కోప్ ఎక్కువగా ఉంటుంది. సఖియా అనే వెబ్సీరిస్ సంబంధించి గ్లింప్స్ చూసి దర్శకుడు నన్ను ఎంపిక చేసుకున్నాడు.
నాకు ఈ సినిమాతో ఓ గుర్తింపు వస్తుందనే నమ్మకం ఉంది, అందుకే ఈ సినిమాను ఒప్పుకున్నాను.
రాజు వెడ్స్ రాంబాయి సక్సెస్ మీ లైఫ్ను ఎలా మార్చింది?
నాలైఫ్ను చాలా మార్చింది. ఎప్పటికి ఆ సినిమాకు, ఆసినిమా టీమ్కు రుణపడి ఉంటాను. నాకు ఓ ఫేస్ను ఇచ్చింది. అఖిల్రాజ్కు గుర్తింపు ఇచ్చింది. ఇది నాకెరీర్లో స్పెషల్ ప్రాజెక్ట్.
మీకు దెయ్యాలు ఆత్మలంటే భయము ఉండేదా?
చిన్నప్పుడు నుంచి నాకు భయం ఉండేది. ఏజ్ పెరుగుతున్న కొద్ది ఆ భయం పోయింది. నైట్ టైమ్ సుసుకు వెళ్లిన భయపడేవాడ్ని. ఇప్పుడు ఆ భయమే లేదు.
దర్శకుడు శ్రీనివాస్ మన్నె గురించి?
సినిమా పట్ల కన్వెషన్, క్లారిటి ఉన్న దర్శకుడు. థ్రిలింగ్ ఎలిమెంట్స్ విషయంలో ఆయన చాలా స్ట్రాంగ్. ఇది తప్పకుండా విజయవంతం అవుతుందని అనుకుంటున్నాను.
ప్రస్తుతం చేస్తున్న సినిమాలు?
నాలుగైదు ప్రాజెక్టులు చర్చల దశలో ఉన్నాయి. అన్సెట్స్లో తరుణ్భాస్కర్, అనుపమతో కలిసి ఓ సినిమా చేస్తున్నాను. భద్రి దర్శకుడు. రాజు వెడ్స్ రాంబాయి తరువాత చేస్తున్న సినిమా ఇది.