Gatta Kusthi 2: ‘గట్టా కుస్తి-2’ షూటింగ్‌ ప్రారంభం

విష్ణు విశాల్‌ (Vishnu Vishal) హీరోగా నటించిన హిట్‌ చిత్రం ‘గట్టా కుస్తి’ (Gatta Kusthi-2). ఈ చిత్రం రెండో భాగం తెరకెక్కనుంది. వేల్స్‌ ఫిల్మ్స్‌ ఇంటర్నేషనల్‌, విష్ణు విశాల్‌ స్టూడియోస్‌ సంయుక్తంగా నిర్మిస్తుండగా, సంప్రదాయ పూజా కార్యక్రమంతో షూటింగ్‌ తాజాగా ప్రారంభించారు. చెల్లా అయ్యావు దర్శకుడు.   2022లో విడుదలై ఘన విజయం సాధించిన ఈ మూవీలో విష్ణు విశాల్‌, ఐశ్వర్య లక్ష్మి జంటగా నటించగా, ఇతర పాత్రల్లో కాళి వెంకట్‌, మునిష్కాంత్‌, కరుణాస్‌ తదితరులు నటించారు. ఇపుడు ఈ హిట్‌ కాంబినేషన్‌లోనే రెండో భాగం తెరకెక్కనుంది. సింగిల్‌ షెడ్యూల్‌లో ఈ సినిమా షూటింగ్‌ను పూర్తి చేయనున్నారు.

ఈ రెండో భాగం ప్రోమోకు ప్రేక్షకుల నుంచి మంచి స్పందన వచ్చిన విషయం తెల్సిందే. నిజానికి తొలి భాగంలోనే ఈ సినిమా స్టోరీ ముగిసిపోయింది. అయినప్పటికీ దానికి కొనసాగింపుగా స్పోర్ట్స్‌ డ్రామా శైలిలో విడిపోయిన భార్యాభర్తలు తిరిగి కలుసుకున్న తర్వాత కుటుంబంలో జరిగే ప్రధాన సమస్యలతో హాస్యభరితంగా తెరకెక్కించనున్నారు. చెన్నై, పొల్లాచ్చి, పాలక్కాడ్‌ తదితర ప్రాంతాల్లో చిత్రీకరించనున్నారు.