Coolie: కూలీ వ‌చ్చేస్తున్నాడు.. 100 డేస్ కౌంట్‌డౌన్ షురూ!

సూప‌ర్‌స్టార్ ర‌జ‌నీకాంత్ (Rajinikanth) 171 చిత్రంగా డైరెక్ట‌ర్ లోకేశ్ క‌న‌గ‌రాజ్ (Lokesh Kanagaraj) క‌ల‌యిక‌లో రూపొందుతున్న‌ చిత్రం కూలీ (Coolie). భారీ బ‌డ్జెట్‌తో ఎన్నో అంచ‌నాల మ‌ధ్య రూపొందుతున్న ఈ చిత్రంలో నాగార్జున (Nagarjuna Akkineni), ఉపేంద్ర (Upendra), షౌబిన్ (Soubin Shahir), స‌త్య‌రాజ్(Sathya Raj), శృతిహాసన్ (Shruti Haasan) వంటి స్టార్లు ప్ర‌ధాన పాత్ర‌లు పోషిస్తున్నారు.

ఏడాది కాలంగా షూటింగ్ జ‌రుపుకుంటున్న ఈ కూలీ (Coolie) చిత్రం అగ‌ష్టులో ప్రేక్ష‌కుల ముందుకు రానుంది. బంగారం స్మగ్లింగ్‌ నేపథ్యంలో రూపొందుతున్న ఈ సినిమాను స‌న్ పిక్చ‌ర్స్ (Sun Pictures) నిర్మించ‌గా అనిరుధ్ ర‌విచంద‌ర్ (Anirudh Ravichander) సంగీతం అందించాడు.

అయితే సినిమా ఆగ‌ష్టు14న థియేట‌ర్ల‌లోకి రానుంది. ఈ క్ర‌మంలో కౌంట్‌డౌన్ 100 డేస్ అంటూ మేక‌ర్స్ తాజాగా ఓ వీడియో రిలీజ్ చేశారు. ఈ గ్లిమ్స్ సినిమామాపై అంచ‌నాలు పెంచేదిగా ఉన్న‌ప్ప‌టికీ ఎవ‌రి ముఖం క‌నిపించ‌కుండా జాగ్ర‌త్త‌లు తీసుకోవ‌డం విశేషం.