Sundeep Kishan: సందీప్ కిషన్, సంజయ్.. గ‌ట్టిగానే ఫ్లాన్ చేశారుగా! స్పెష‌ల్ గ్లిమ్స్ అదిరింది
ABN, Publish Date - May 07 , 2025 | 03:21 PM
తెలుగు, త‌మిళ న‌టుడు సందీప్ కిషన్ హీరోగా భారీ చిత్రాల నిర్మాణ సంస్థ లైకా ప్రొడక్షన్ బ్యాన‌ర్ పై జాసన్ సంజయ్ ద‌ర్శ‌క‌త్వంలో ఓ సినిమా నిర్మిత‌మ‌వుతున్న సంగ‌తి తెలిసిందే.
త‌మిళ స్టార్ ద‌ళ‌ప‌తి విజయ్ (Thalapathi Vijay) కుమారుడు జాసన్ సంజయ్ (Jason Sanjay) సంజయ్ మెగాఫోన్ ప‌ట్టి ద‌ర్శ‌కుడిగా మారిన సంగ‌తి తెలిసిందే. త‌న తొలి ప్ర‌య‌త్నంగా తెలుగు, త‌మిళ న‌టుడు సందీప్ కిషన్ (Sundeep Kishan) తో క‌లిసి భారీ నిర్మాణ సంస్థ లైకా ప్రొడక్షన్ బ్యాన‌ర్ (Lyca Productions) పై నిర్మిత‌మ‌వుతున్న ఈ చిత్రం షూటింగ్ ప్ర‌స్తుతం శ‌ర‌వేగంగా జ‌రుగుతుంది. ఇంరా పేరు పెట్ట‌ని ఈ సినిమాలో హైద‌రాబాదీ ఫ‌రియా అబ్దుల్లా (Faria Abdullah) క‌థానాయిక‌గా చేస్తోన్న‌ట్లు స‌మాచారం. త‌మ‌న్ సంగీతం అందిస్తున్నాడు
అయితే బుధ‌వారం మే7హీరో సందీప్ కిషన్ (Sundeep Kishan) జ‌న్మ‌దినం సంద‌ర్భంగా మేక‌ర్స్ ఈ సినిమా నుంచి ప్ర‌త్యేక BTS గ్లిమ్స్ వీడియోను రిలీజ్ చేసి సందీప్‌కు జ‌న్మ‌దిన శుభాకాంక్ష‌లు తెలిపారు. తాజాగా రిలీజ్ చేసిన వీడియో చూస్తుంటే సంజయ్ (Jason Sanjay) టేకింగ్ అదిరిపోయేలా ఉన్న‌ట్లు తెలుస్తోంది.
ఇదిలాఉండ‌గా.. సంజయ్ (Jason Sanjay)రెండేండ్ల క్రిత‌మే లండన్‌లో స్క్రీన్‌ రైటింగ్‌లో బి.ఎ. (హానర్స్‌) పూర్తి చేయ‌డంతో పాటు, టోరంటో ఫిల్మ్‌ స్కూల్‌లో ఫిల్మ్‌ ప్రొడక్షన్ డిప్లొమా కంప్లీట్ చేయ‌డం విశేషం. సినిమా నిర్మాణంపై పూర్తి అవగాహన ఉంది. అందుకు త‌గ్గ‌ట్టుగానే ఎలాంటి ఒడిదుడులు లేకుండా ఎంతో అనుభ‌వం ఉన్న వాడిలా సినిమాకు ద‌ర్శ‌క‌త్వం వ‌హించిన‌ట్లు ఈ రోజు విడుద‌ల చేసిన వీడియో చూస్తే అర్థ‌మ‌వుతోంది.