KH 237: ‘కమల్‌ 237’లో మాలీవుడ్‌ టెక్నీషియన్లకు ప్రాధాన్యం
ABN , Publish Date - Nov 11 , 2025 | 10:39 AM
విశ్వనటుడు కమల్‌ హాసన్‌ (kamal Haasan) నటించనున్న 237వ (KH 237) చిత్రంలో మలయాళ చిత్రపరిశ్రమకు చెందిన టెక్నీషియన్లకు అధిక ప్రాధాన్యత ఇచ్చారు.
విశ్వనటుడు కమల్‌ హాసన్‌ (kamal Haasan) నటించనున్న 237వ (KH 237) చిత్రంలో మలయాళ చిత్రపరిశ్రమకు చెందిన టెక్నీషియన్లకు అధిక ప్రాధాన్యత ఇచ్చారు. ఈ సినిమా నిర్మాణం కోసం ఎంపిక చేసిన టెక్నీషియన్లలో సంగీత దర్శకుడు, కెమెరామెన్‌, ఎడిటర్‌తో పాటు పలువురు మాలీవుడ్‌ సాంకేతిక నిపుణులు ఉండటం గమనార్హం. రాజ్‌కమల్‌ ఫిల్మ్స్‌ ఇంటర్నేషనల్‌ పతాకంపై నిర్మించే ఈ చిత్రానికి ప్రముఖ స్టంట్‌ దర్శక ద్వయం అన్బరివు దర్శకత్వం(Anbariv) వహిస్తున్నారు.
ఈ ప్రాజెక్టుపై ఎంతో కాలంగా ఊహాగానాలు వస్తున్నప్పటికీ కమల్‌ హాసన్‌ తన పుట్టిన రోజైన ఈ నెల 7న అధికారికంగా ప్రకటించారు. అలాగే ఈ సినిమాకు పనిచేసే సాంకేతిక నిపుణుల వివరాలను కూడా నిర్మాణ సంస్థ అధికారికంగా ప్రకటించింది. ఇందులో సంగీత దర్శకుడిగా జేక్స్‌ బిజాయ్‌ను ఎంపిక చేశారు. ఆయన గతంలో ‘ధృవంగల్‌ పదినారు’, ‘పోర్‌ తొళిల్‌’, ‘నిరంగల్‌ మూండ్రు’ వంటి పలు తమిళ హిట్‌ చిత్రాలకు సంగీతం సమకూర్చారు. కెమెరామన్‌గా ‘ఆడుజీవితం’ వంటి బ్లాక్‌బ్లస్టర్‌ చిత్రానికి పనిచేసిన సునీల్‌ కేఎస్‌, ఎడిటర్‌గా షమీర్‌ను సెలెక్ట్‌ చేశారు. అలాగే, మరికొందరు మలయాళ టెక్నీషియన్లకు కమల్‌ తన 237వ చిత్ర నిర్మాణంలో భాగస్వామ్యం కల్పించడం గమనార్హం. అయితే ఎక్కువ శాతం మలయాళ పరిశ్రమకు చెందిన వారికే ప్రాధాన్యం ఇవ్వడానికి కారణం ఏంటో తెలియాలి.
ALSO READ: Honey Rose: హనీ రోజ్‌ పెద్ద సాహసమే ఇది
Esha Deol - Dharmendra: నాన్న ఆరోగ్యం నిలకడగా ఉంది.. ఈషా దేవోల్‌
Globe Trotter Song: సంచారి .. సంచారి.. సాహసమే తన దారి.. శృతిహాసన్ అదరగొట్టేసింది