Dude: లేడీ లవ్‌.. ‘మ‌మితా’ లుక్ వ‌చ్చేసింది

వరుస హిట్స్‌తో దూసుకుపోతున్న యువ సంచలనం ప్రదీప్ రంగనాథన్ (Pradeep Ranganathan) తాజాగా న‌టిస్తున్న చిత్రం డ్యూడ్ (DUDE). ప్ర‌ముఖ తెలుగు అగ్ర నిర్మాణ సంస్థ మైత్రీ మూవీ మేక‌ర్స్ (Mythri Movie Makers) ఈ సినిమాను నిర్మిస్తోండ‌గా కీర్తిస్వరన్ (Keerthiswaran) ద‌ర్వ‌క‌త్వం వ‌హిస్తున్నాడు.

గ‌త సంవ‌త్స‌రం ప్రేమ‌లు సినిమాతో సౌత్ ఇండియాను షేక్ చేసిన మ‌మితా బైజు (Mamitha Baiju) క‌థానాయిక‌గా చేస్తోండ‌గా సీనియ‌ర్ న‌టుడు శ‌ర‌త్ కుమార్ (Sarath Kumar) కీల‌క పాత్ర‌లో క‌నిపించ‌నున్నాడు. ఇదిలాఉండ‌గా ఈ సినిమాకు లెటెస్ట్ మ్యూజిక్ సెన్షేష‌న్ సాయి అభ‌యంక‌ర్ (Sai Abhyankkar) సంగీతం అందిస్తున్నాడు.

ఇప్ప‌టికే శ‌నివారం (మే 10)న ఈ మూవీ నుంచి ప్ర‌దీప్ లుక్ రిలీజ్ చేసి టైటిల్ ప్ర‌క‌టించిన మేక‌ర్స్ ఆదివారం లేడీ లవ్‌గా మ‌మితా లుక్‌ను సైతం రిలీజ్ చేశారు. అదేవిధంగా ఈ దీపావ‌ళికి ప్ర‌పంచ వ్యాప్తంగా తెలుగు, తమిళం, కన్నడ, మలయాళం మరియు హిందీ భాష‌ల‌లో పాన్ ఇండియాగా రిలీజ్ చేయ‌నున్న‌ట్లు ప్ర‌క‌టించారు. ఈ సంద‌ర్భంగా విడుద‌ల చేసిన‌ ప్ర‌దీప్‌, మ‌మితలు క‌లిసి ఉన్న పోస్ట‌ర్‌ సోష‌ల్ మీడియాలో బాగా చ‌క్క‌ర్లు కొడుతుంది.