Jack OTT: ఓటీటీకి సిద్ధు జొన్న‌ల‌గ‌డ్డ ‘జాక్’.. ఎందులో. ఎప్ప‌టి నుంచి చూడొచ్చంటే

గ‌త నెల‌లో థియేట‌ర్ల‌లోకి వ‌చ్చి తెలుగు ప్రేక్ష‌కుల‌ను తీవ్రంగా నిరాశ ప‌ర్చిన చిత్రం జాక్ (Jack). స్టార్ బాయ్ సిద్ధు జొన్న‌ల‌గ‌డ్డ (Siddhu Jonnalagadda), యూత్ హార్ట్‌త్రోబ్ వైష్ణ‌వి చైత‌న్య (Vaishnavi Chaitanya) జంట‌గా న‌టించిన ఈ చిత్రం ఏప్రిల్‌10న ప్రేక్ష‌కుల ముందుకు వ‌చ్చింది. కానీ క‌థ‌క‌థ‌నాలు లోపించి ఆడియెన్స్‌ను మెప్పించ‌లేక పోయింది. బొమ్మ‌రిల్లు భాస్క‌ర్ (Bommarillu Bhaskar) ర‌చ‌న‌, ద‌ర్శ‌క‌త్వం చేసిన ఈ చిత్రాన్ని శ్రీ వేంక‌టేశ్వ‌ర సినీ చిత్ర (Sri Venkateswara Cine Chitra) బ్యాన‌ర్‌పై B. V. S. N. ప్ర‌సాద్ (B. V. S. N. Prasad,) నిర్మించారు. ప్ర‌కాశ్ రాజ్ (Prakash Raj), సీనియ‌ర్ న‌రేశ్ కీల‌క పాత్ర‌ల్లో న‌టించారు. ఇప్పుడీ సినిమా నెల రోజుల త‌ర్వాత డిజిట‌ల్ స్ట్రీమింగ్‌కు వ‌చ్చేందుకు రెడీ అయింది.

క‌థ విష‌యానికి వస్తే.. హీరో పాబ్లో నెరూడా (సిద్ధు జొన్నలగడ్డ) అమ్మ‌కూచి. త‌న త‌ల్లి ఎప్పుడు చెప్పిన‌ట్లు అంతా గ‌ర్వ‌ప‌డే స్థాయికి చేరుకుంటాన‌ని అనుకుంటుంటాడు. ఈ క్ర‌మంలో అనేక ప‌నులు చేస్తూ వేటిలో ఇమ‌డ లేక మ‌ధ్య‌లోనే వ‌స్తుంటాడు. చివ‌ర‌కు దేశానికి సేవ చేయాలి, టెర్ర‌రిస్టుల భ‌ర‌తం ప‌ట్టడానికి ఎలాగైనా ఇండియ‌న్ రాలో చేరాల‌ని అనుకుంటాడు.కానీ అత‌ని హైప‌ర్ నెస్ వ‌ళ్ల అది సాధించ‌లేక పోతాడు. అయినా త‌నే స్వ‌యంగా రంగంలోకి దిగి టెర్ర‌రిస్టులను అంత‌మొందించ‌డానికి ప్ర‌య‌త్నాలు చేస్తుంటాడు. అలాగైనా త‌న ప‌నిని చూసి రా త‌న‌ను గుర్తిస్తుంద‌నే భావ‌న‌లో ఉంటుంటాడు.

స‌రిగ్గా అదే సమయంలో కొంత‌మంది తీవ్ర‌వాదులు భారత్ లోకి అత్యాధునిక ఆయుధాలతో చొర‌బ‌డి పేలుళ్ళకు కుట్ర‌లు చేస్తున్నార‌నే విష‌యం 'రా' అధికారి మనోజ్ (ప్రకాశ్ రాజ్)కు తెలుస్తుంది. దీంతో ఉగ్రవాదుల కుట్రను భగ్నం చేయాలని అతని బృందం హంటింగ్ మొద‌లు పెడుతుంది. మ‌రోవైపు అటు పాబ్లోకూడా ఇదే విష‌యంపై వేట మొద‌లు పెట్ట‌డంతో స‌మ‌స్య జ‌టిల‌మ‌వుతుంది. పాబ్లో హైప‌ర్ వ‌ళ్ల‌ 'రా' టీమ్ ఎలాంటి ఇబ్బందుల్లో పడింది? చ‌ఇవ‌ర‌కి పాబ్లో, రా బృందం టెర్రరిస్టుల అటాక్ నుంచి దేశాన్ని ఎలా కాపాడారు? అనేదే 'జాక్' కథ.

బొమ్మ‌రిల్లు, ఆరెంజ్‌, వంటి సెన్పిబుల్ చిత్రాల డైరెక్ట‌ర్ భాస్క‌ర్ నుంచి వ‌స్తున్న చిత్రం అవ‌డం, డిటే టిల్లు, టిల్లు2 వ‌రుస విజ‌య‌వంత‌మైన చిత్రాల త‌ర్వాత సిద్ధు జొన్న‌ల‌గ‌డ్డ న‌టించిన చిత్రం అవ‌డంతో ఈ జాక్ సినిమాపై ఓరేంజ్‌లో అంచ‌నాలు ఏర్ప‌ప‌డ్డాయి. అయితే క‌థ‌నంలో గ‌జిబిజితో ప్ర‌జ‌ల ఆద‌ర‌ణ‌ను ద‌క్కించుకోలేక స‌ద్ధు కెరీర్‌లోనే భారీ డిజాస్ట‌ర్‌గా నిలిచింది. ఇప్పుడు ఈ మూవీ ఈవారం మే8న నెట్‌ఫ్లిక్స్ (netflix) ఓటీటీ వేదిక‌గా స్ట్రీమింగ్ అవ‌నుంది. తెలుగుతో పాటు హిందీ ఇత‌ర సౌత్ భాష‌ల్లోనూ జాక్ (Jack)సినిమా అందుబాటులో ఉండ‌నుంది. ఆస‌క్తి ఉన్న వారు ఇక ఇంటి వ‌ద్దే ఈ సినిమాను చూడ‌వ‌చ్చు.