Jurassic World Rebirth OTT: స‌డ‌న్‌గా ఓటీటీకి వ‌చ్చి షాకిచ్చిన హాలీవుడ్ బ్లాక్‌బ‌స్ట‌ర్! కానీ వారికి మాత్ర‌మే

ఓటీటీ ప్రియుల‌ను అల‌రించేందుకు స‌డ‌న్‌గా లేటెస్ట్ హాలీవుడ్ బ్లాక్ బ‌స్ట‌ర్ మూవీ జురాసిక్ వరల్డ్ రీబర్త్ (Jurassic World Rebirth) డిజిట‌ల్ స్ట్రీమింగ్‌కు వ‌చ్చేసింది. ఇప్ప‌టికే ఈ జురాసిక్ పార్క్ సినిమాల‌ ఫ్రాంచైజీలో ఏడవ చిత్రంగా, 2022లో వ‌చ్చిన జురాసిక్ వరల్డ్ డొమినియన్ ఘటనల అనంత‌రం ఐదు సంవత్సరాలకు జ‌రిగిన క‌థ నేప‌థ్యంలో ఈ సినిమా తెర‌కెక్కింది. సుమారు 220 మిలియ‌న్ డాల‌ర్ల‌కు పైగా ఖ‌ర్చుతో రూపొందిన ఈ చిత్రం జూలై 2న ప్ర‌పంచ వ్యాప్తంగా థియేట‌ర్ల‌లోకి వ‌చ్చింది. ఆపై సినిమా నెగిటివ్ టాక్ తెచ్చుకున్న‌ప్ప‌టికీ సంచ‌ల‌న క‌లెక్ష‌న్స్ వ‌సూలు చేసింది. 800 మిలియ‌న్ డాల‌ర్ల‌ను సంపాదించి రికార్డ్ సృష్టించింది.

న‌గ‌ర జీవ‌నానికి దూరంగా ఓ ఐలాండ్‌లో ఉన్న డ్రాగ‌న్స్ డీఎన్ఎతో ఖ‌రీదైన‌, అత్య‌వ‌స‌ర‌మైన మందు త‌యారు చేయ‌వ‌చ్చ‌ని ఓ బిలియ‌నీర్ ఓ హై సెక్యూరిటీ టీమ్‌ను ఏర్పాటు చేసుకుని ఆ ఐలాండ్‌కు వెళ‌తాడు. అక్క‌డ మూడు గుడ్ల‌ నుంచి డీఎన్ఏ తీసుకెళ్లే ప్ర‌య‌త్నం చేస్తాడు. ఈ క్ర‌మంలో త‌న‌తో పాటు వ‌చ్చిన ఆఫీస‌ర్ చేసిన పని వ‌ళ్ల సీన్ అంతా మారి డైనోసార్లు వేట మొద‌లు పెడ‌తాయి. దీంతో ఆ టీమ్ అక్క‌డి నుంచి ఎలా బ‌య‌ట ప‌డింది, ఏ విధంగా పోరాట్ చేయాల్సి వ‌చ్చింద‌నే పాయింట్‌తో సినిమా సాగుతుంది.

గ‌తంలో గాడ్జిల్లా(2014), రోఘ్‌, ది క్రియేట‌ర్ వంటి భారీ చిత్రాల‌ను డైరెక్ట్ చేసిన‌ గారెత్ ఎడ్వర్డ్స్ (Gareth Edwards) ఈ చిత్రానికి దర్శకత్వం వ‌హించాడు. హాలీవుడ్ అగ్ర న‌టి స్కార్లెట్ జోహన్సన్ (Scarlett Johansson), జోనాథన్ బెయిలీ (Jonathan Bailey), మహెర్షలా అలీ (Mahershala Ali) కీల‌క పాత్ర‌లో న‌టించారు. అంత‌కుముందు ఈ సిరీస్లో వ‌చ్చిన చిత్రాల‌ను మించిన‌ అద్భుతమైన విజువల్స్‌తో ఈ సినిమాను తెరకెక్కించిన‌ప్ప‌టికీ యాక్ష‌న్ సీన్స్ అశించినంత‌గా లేక‌పోవ‌డంతో కాస్త నిరాశ త‌ప్ప‌దు. అంతేగాక ప్ర‌తీ సినిమాలో చూసిన క‌థ‌న‌మే అవ‌డం, రెగ్యుల‌ర్‌గా చూసిన సీన్లే చూస్తున్న‌ట్లు అనిపించ‌డం పెద్ద మైన‌స్.

ఇప్పుడీ ఈ (Jurassic World Rebirth) మూవీ అమెజాన్ ప్రైమ్ వీడియో (Amazon Prime Video) ఓటీటీలో ఆగ‌స్టు 5 నుంచి ఇంగ్లీష్, హిందీ, తమిళం, మరియు తెలుగు భాష‌ల్లో స్ట్రీమింగ్‌కు వ‌చ్చేసింది. అయితే ప్ర‌స్తుతానికి బ‌య‌టి దేశాల‌లో మాత్ర‌మే ఈ చిత్రం అందుబాటులో ఉంది. మ‌రో వారం ప‌దిహేను రోజుల త‌ర్వాత ఇండియాలోనూ రానుంది. ఇర‌ థియేట‌ర్ల‌లో మిస్స‌యిన వారు, డైనోసర్ సినిమాలు ఇష్ట‌ప‌డే వారు, హాలీవుడ్ సినిమాలు ఇష్ట‌ప‌డే వారు ఈ చిత్రాన్ని ఓ సారి ప్ర‌య‌త్నించ‌వ‌చ్చు. అయితే మ‌న దేశంలో కొన్ని థ‌ర్డ్ పార్టీ యాప్స్, ప్రీ వెబ్‌సైట్ల‌లో ఇప్ప‌టికే ఈ సినిమా వ‌చ్చేసింది.