The Conjuring Last Rites: రూ.3800 కోట్లు కొల్ల‌గొట్టింది.. సైలెంట్‌గా ఓటీటీకి వ‌చ్చేసింది! సూప‌ర్ నాచుర‌ల్ హ‌ర్ర‌ర్ థ్రిల్ల‌ర్‌

గ‌త నెల‌లో ప్ర‌పంచ‌వ్యాప్తంగా థియేట‌ర్ల‌కు వ‌చ్చి మంచి విజ‌యం సాధించిన అమెరిక‌న్ హాలీవుడ్ సూప‌ర్ నాచుర‌ల్ హ‌ర్ర‌ర్ చిత్రం ది కంజూరింగ్ ఫైన‌ల్ రైట్స్ (The Conjuring: Last Rites). గ‌త ద‌శాబ్ద కాలంగా ఈ సిరీస్‌లో వ‌చ్చిన చిత్రాలు ప్ర‌జ‌ల‌ను విశేషంగా అల‌రించాయి. అయితే ఇక ఈ కంజూరింగ్ చిత్రాల‌కు గుడ్ బై చెబుతూ మేక‌ర్స్ ఈ సినిమా చివ‌రి భాగాన్ని సెప్టెంబ‌ర్ 5న ప్ర‌పంచ వ్యాప్తంగా ప్రేక్ష‌కుల ఎదుట‌కు తీసుకు రాగా అన్ని ప్రాంతాల నుంచి పాజిటివ్ టాక్తో బ్లాక్ బ‌స్ట‌ర్ విజ‌యాన్ని సొంతం చేసుకుంది. 55 అమెరిక‌న్ డాల‌ర్ల వ్య‌యం (రూ. 366 కోట్ల‌తో) తో తెర‌కెక్కించిన‌ ఈ చిత్రం వ‌ర‌ల్డ్ వైడ్‌గా 459 డాల‌ర్లు (రూ.3814 కోట్లు ) రాబ‌ట్టి బాక్సాఫీస్‌ను ర‌ఫ్ఫాడించింది. అలాంటి ఈ చిత్రం రిలీజై నెల‌ కూడా తిర‌గ కుండానే డిజిట‌ల్ స్ట్రీమింగ్‌కు వ‌చ్చేసి ఆడియ‌న్స్ కు షాకిచ్చింది.

వాస్త‌వ ఘ‌ట‌న‌ల‌ ఆధారంగా ప్ర‌సిద్ధ అమెరిక‌న్‌ పరానార్మల్ ఇన్వెస్టిగేటర్స్ ఎడ్ వారెన్‌, లొరైన్ వారెన్ సంయుక్తంగా క‌లిసి ప‌రిశీలించిన కేసుల అధారంగా ఈ సినిమాలు తెర‌కెక్కిస్తున్నారు. ఈ క్ర‌మంలో తొలి చిత్రం 2013లో విడుద‌ల కాగా ఈ సిరీస్‌లో నాలుగ‌వ‌ది, చివ‌రి చిత్రం ది కంజూరింగ్ ఫైన‌ల్ రైట్స్ ఈ యేడు థియేట‌ర్ల‌కు వ‌చ్చింది. తొలుత‌ రెండు చిత్రాల‌కు జేమ్స్ వాన్‌ (James Wan) ద‌ర్శ‌క‌త్వం వ‌హించ‌గా చివ‌రి ఈ రెండు చిత్రాల‌కు మైఖేల్ చేవ్స్‌ (Michael Chaves) ద‌ర్శ‌క‌త్వం చేశారు. ఈ నాలుగు సినిమాల్లో పాట్రిక్ విల్సన్ (Patrick Wilson), వెరా ఫార్మిగా (Vera Farmiga) ఎడ్, లొరైన్ వారెన్‌లుగా నటించారు.

ఇక ఈ సినిమా విష‌యానికి వ‌స్తే.. స్మర్ల్ అనే వ్య‌క్తి ఇంట్లో జరుగుతున్న భయానక ఘ‌ట‌న‌ల ఇష్యూని చేధించ‌డానికి ఎడ్‌, లొరైన్‌ వారెన్‌ దంపతులు అడుగు పెడ‌తారు. అయితే.. ఆ ఇంట్లో దాగి ఉన్న, ప‌గ బ‌ట్టి ఉన్న ఓ పాత దెయ్యం వారిని నాశనం చేయాలనుకుంటుంది. వారిని వెంబ‌డిస్తుంది. చివ‌ర‌కు ఎడ్‌, లొరైన్ ప్రాణాల మీద‌కు సైతం వ‌స్తుంది. ఈ నేప‌థ్యంలో అంత క‌థిన‌మైన దుష్ట శక్తిని వారు ఎలా ఎదుర్కొన్నారు, ఈ క్ర‌మంలో ఎలాంటి స‌మ‌స్య‌లు ఎదుర‌య్యాయి, ఏం కోల్పోయార‌నేదే క‌థ‌. ఇప్పుడీ ది కంజూరింగ్ ఫైన‌ల్ రైట్స్ (The Conjuring: Last Rites) సినిమా అమెజాన్ ప్రైమ్ వీడియో (Amazon Prime Video) ఓటీటీలో రెంటల్ ప‌ద్ద‌తిలో ఇండియా మిన‌హా ఇత‌ర దేశాల్లో అందుబాటులోకి వ‌చ్చింది. అయితే..ఇండియాలో కొన్ని ఫ్రీ వెబ్‌సైట్ల‌లో ఇప్ప‌టికే హెచ్డీ ప్రింట్ వ‌చ్చేసింది. థియేట‌ర్ల‌లో మిస్స‌యిన వారు, ఈ హ‌ర్ర‌ర్ మూవీ ఫ్రాంచైజీ ల‌వ‌ర్స్ త‌ప్ప‌క చూడాల్సిన సినిమా ఇది.