OTT Movie: ఓటీటీలోకి వచ్చేస్తోన్న ఎక్స్‌లెంట్ థ్రిల్లర్.. డోంట్ మిస్
ABN, Publish Date - Jan 10 , 2025 | 11:03 PM
ఓటీటీ ప్రేక్షకులను అదిరిపోయే థ్రిల్ ఇవ్వడానికి ఓటీటీలోకి యాక్షన్ క్రైమ్ సస్పెన్స్ థ్రిల్లర్ ఒకటి సిద్ధమైంది. ఆహా ఓటీటీలోకి రాబోతోన్న ఈ థ్రిల్లర్ ఎలా ఉంటుందో, ఏ ఓటీటీలో, ఎప్పుడు స్ట్రీమింగ్ అనే వివరాల్లోకి వెళితే..
‘హ్యాపీ డేస్’లో నటించిన రాహుల్ టైసన్, చేతన్ కుమార్, సాక్షి చౌదరి, అమీ ఏల, ఐశ్వర్య రాజ్ హీరోహీరోయిన్లుగా నటించిన సినిమా ‘100 క్రోర్స్’. ఈ చిత్రం ఆహా ఓటీటీలో జనవరి 11 నుండి స్ట్రీమింగ్‌కు వచ్చేస్తోంది. ఎస్ ఎస్ స్టూడియోస్ పతాకంపై దివిజ కార్తీక్, సాయి కార్తీక్ నిర్మించిన ఈ చిత్రానికి విరాట్ చక్రవర్తి దర్శకత్వం వహించారు. 2024 సెప్టెంబర్ 20న థియేటర్లలో విడుదలైన ఈ సినిమా ఇప్పుడు ఆహా ఓటీటీలో ప్రేక్షకులను అలరించడానికి సిద్ధమైంది.
Also Read-Game Changer Review: ‘గేమ్ చేంజర్’ మూవీ రివ్యూ
ఈ సినిమా స్క్రీన్‌ప్లే ప్రేక్షకులను సీట్ అంచున కూర్చోబెడుతుంది. ప్రతి సన్నివేశం ఉత్కంఠభరితంగా ఉంటుంది, తర్వాత ఏం జరుగుతుందో ప్రేక్షకులు ఊహించలేరు. అలాంటి ఊహించని మలుపులతో, థ్రిల్లింగ్ యాక్షన్ సీక్వెన్సులతో, మరియు గుండెలు అరచేతిలో పెట్టుకునే సస్పెన్స్‌తో కథను నడిపించాడు దర్శకుడు. హీరో చేతన్ కుమార్ తన అద్భుతమైన యాక్షన్‌తో, రాహుల్ టైసన్ తన విలనిజంతో, సాక్షి చౌదరి, అమీ ఏల, ఐశ్వర్య రాజ్‌లు తమ గ్లామర్‌తో ప్రేక్షకులను కావాల్సిన థ్రిల్ ఇస్తారు. ఈ సినిమాకు సాయి కార్తీక్ అందించిన సంగీతం మరో హైలెట్‌గా నిలుస్తుంది.
‘నేనే నా, కాజల్ కార్తీక, కాళరాత్రి, లిటిల్ హార్ట్స్, టీనేజర్స్, శాకాహారి’ వంటి చిత్రాలని ఆహా ఓటీటీ ద్వారా తెలుగు ప్రేక్షకులకు అందించిన హనుమాన్ మీడియా ఇప్పుడీ ‘100 క్రోర్స్’ చిత్రాన్ని ఓటీటీ వీక్షకుల ముందుకు తీసుకువస్తోంది. ఈ సందర్భంగా హనుమాన్ మీడియా అధినేత బాలు చరణ్ మాట్లాడుతూ.. ‘100 క్రోర్స్’ ఒక అద్భుతమైన యాక్షన్ క్రైమ్ సస్పెన్స్ థ్రిల్లర్. జనవరి 11 నుండి ఆహా ఓటీటీలో అందుబాటులో ఉంటుంది. ఆహా వీక్షకులను ఈ సినిమా అదిరిపోయే థ్రిల్ ఇస్తుందని చెప్పగలను. అందరూ తప్పక చూడండి. థియేటర్లలో ఈ చిత్రాన్ని మిస్ అయిన వారు, మళ్లీ చూడాలనుకునే వారు ఈ అవకాశాన్ని మిస్ చేసుకోకండి. ‘100 క్రోర్స్’ ఆహాలో మంచి ఆదరణను రాబట్టుకుంటుందని భావిస్తున్నానని తెలిపారు.