Dominic And The Ladies Purse: ఎట్ట‌కేల‌కు ఓటీటీకి.. మమ్ముట్టి సినిమా

మలయాళ స్టార్ హీరో  మమ్ముట్టి (Mammootty) ప్రధాన పాత్రలో గౌతమ్‌ వాసుదేవ్‌ మేనన్‌ రూపొందించిన చిత్రం ‘డొమినిక్‌ అండ్‌ ది లేడీస్‌ పర్స్‌’ (Dominic and the Ladies' Purse). మిస్టరీ కామెడీ థ్రిల్లర్‌గా తెరకెక్కిన ఈ చిత్రం జనవరి నెలలో విడుదలైంది. ఇన్నాళ్లకు ఓటీటీలో రిలీజ్ కానుంది. జీ5 వేదికగా డిసెంబర్‌ 19  స్ట్రీమింగ్ కానుంది. ఈ విషయాన్ని చెబుతూ  జీ5 పోస్టర్‌ను పంచుకుంది. ఇందులో మమ్ముట్టి మాజీ పోలీస్ ఆఫీసర్ డొమినిక్‌గా నటించారు. 

కథ : 

మాజీ పోలీస్ అధికారి అయిన డొమినిక్ ఓ ప్రైవేట్ డిటెక్టివ్‌గా మారతారు. ఒక సందర్భంలో లేడీస్‌ పర్స్‌ దొరుకుతుంది. ఆ పర్స్ ఎవరిది? అప్పటికే అదృశ్యమైన పూజ అనే అమ్మాయితో ఈ పర్స్‌కు ఉన్న సంబంధం ఏంటి? పూజాను ఎవరు హత్య చేశారు? ఆమె బాయ్‌ఫ్రెండ్‌ కార్తిక్‌ ఏమయ్యాడు? అన్నది సింపుల్ గా కథ.