Aan Paavam Pollathathu OTT: నేటి మ‌గాళ్ల.. క‌ష్టాలు చూపిన సినిమా! ఓటీటీలో.. దుమ్ములేపుతుంది
ABN , Publish Date - Nov 30 , 2025 | 07:23 PM
ఇటీవ‌ల తెలుగులో డిజిట‌ల్ స్ట్రీమింగ్‌కు వ‌చ్చిన త‌మిళ అనువాద చిత్రం ఆన్ పావం పొల్లతత్తు ప్రేక్ష‌కుల‌ను విశేషంగా అల‌రిస్తోంది.
ఇటీవ‌ల తెలుగులో డిజిట‌ల్ స్ట్రీమింగ్‌కు వ‌చ్చిన త‌మిళ అనువాద చిత్రం ఆన్ పావం పొల్లతత్తు (Aan Paavam Pollathathu) ప్రేక్ష‌కుల‌ను విశేషంగా అల‌రిస్తోంది. ముఖ్యంగా మ‌గ‌వాళ్ల‌ను, అందులోనూ నేటి జెన్ జీ కుర్ర‌కారును బాగా ఆక‌ట్టుకుంటుంది. రెండేండ్ల క్రితం జో అనే సినిమాతో సౌత్ ఇండియా వ్యాప్తంగా మంచి పేరు తెచ్చుకున్న హిట్ ఫెయిర్‌ రియో రాజ్ (Rio Raj), మాళ‌విక మ‌నోజ్ (Malavika Manoj) ఈ మూవీలో మ‌రోమారు జంట‌గా హీరో హీరోయిన్లుగా న‌టించ‌డం విశేషం. ఆక్టోబ‌ర్ 31 న త‌మిళ నాట థియేట‌ర్ల‌కు వ‌చ్చిన ఈ రొమాంటిక్, సెటైరిక‌ల్ కామెడీ చిత్రం తొలి రోజు నుంచే పాజిటివ్ టాక్ తెచ్చుకుని మంచి విజ‌యం సాధించింది. రెండు రోజుల క్రితం ఓటీటీకి వ‌చ్చి అంద‌రి అటెన్ష‌న్ తీసుకుంటుంది.
క‌థ విష‌యానికి వ‌స్తే.. శివ అనే సాఫ్ట్‌వేర్ ఇంజినీర్ త‌ల్లిదండ్రుల పెంప‌కంలో చాలా స్ట్రిక్ట్‌గా పెరిగిన శ‌క్తి అనే అమ్మాయిని అరెంజ్ మ్యారేజ్ చేసుకుని కొత్త‌గా కాపురం పెడ‌తాడు. అయితే అద‌ర్శ బావాలు పుష్క‌లంగా ఉన్న శివ అప్ప‌టివ‌ర‌కు ఫ్రీడ‌మ్ లేకుండా గ‌డిపిన త‌న భార్య శ‌క్తిని ఇక‌పై త‌న ఛాయిస్ ప్ర‌కారమే ఉండ‌మ‌ని, దేనికి బ‌ల‌వంతం చేయ‌న‌ని చెప్పి ప్రోత్స‌హిస్తాడు. అలా ఓ ఏడాది గ‌డిచిన త‌ర్వాత క్ర‌మంగా వారిరువురి న‌డుమ చిన్న చిన్న స‌మ‌స్య‌లు రావ‌డం మొద‌లవుతాయి. సోష‌ల్ మీడియాను బాగా ఫాలో అయ్యే శ‌క్తి ఇంటి ప‌నులు చేయ‌డంలో అల‌స‌త్వం చేస్తుంటుంది. ఏదైనా బిజినెస్ పెడ‌తా ఫండ్ కావాల‌ని శివ‌ను అడుగుతూ ఉంటుంది.ఇదంతా ఎందుకు అని అడిడితే.. ఇట్స్ మై ఛాయిస్ ఆడ‌వాళ్ల‌ను స్వేచ్ఛ‌గా ఉండ‌నివ్వాల‌ని బ‌ల‌వంతం పెట్ట‌వ‌ద్ద‌ని ఎదురు తిరుగుతుంది.
ఈ నేప‌థ్యంలో ఇద్ద‌రి మ‌ధ్య గొడ‌వ తారా స్థాయికి చేరి వారి వారి త‌ల్లిదండ్రుల‌కు చెప్ప‌కుండానే విడాకుల కోసం కోర్టు మెట్లు ఎక్కుతారు. అయితే.. అప్ప‌టికే ఇలాంటి ఇష్యూతోనే విడాకులు తీసుకున్న నారాయ‌ణ, లక్ష్మి అనే లాయ‌ర్లు శివ, శ‌క్తి కేసుల‌ను టేక‌ప్ చేస్తారు. ఈ క్ర‌మంలో ఈ క‌థ ఎంత‌వ‌ర‌కు వెళ్లింది, వారికి విడాకులు వ‌చ్చాయా, లేదా, ఆ అడ్వ‌కేట్ల స్టోరీ ఎంటి అనే ఆస‌క్తిక‌ర‌మైన క‌థ‌క‌థ‌నాల‌తో ఎక్క‌డా బోర్ అనే ఫీల్ రాకుండా సినిమా చ‌క‌చ‌కా ప‌రుగులు పెడుతుంది. ముఖ్యంగా లాయ‌ర్ల ఎంట్రీ త‌ర్వాత సినిమా మూడ్ అంతా ఒక్క‌సారిగా మ‌రిపోయి టామ్ అండ్ జ‌ర్రీ క‌థ‌గా మారి ఒక‌రి ఎత్తుల‌కు పై ఎత్తులు వేస్తూ ఫుల్ ఎంట‌ర్టైన్‌మెంట్ ఇస్తారు.
సినిమాలోప్ర‌ధానంగా చెప్పుకోవాల్సింది డైరెక్ట‌ర్ ట‌చ్ చేసిన నేటి జెన్‌జీ యూత్ యూనివ‌ర్స‌ల్ ఇష్యూ గురించే. ఎన్నో అశ‌ల‌తో పెళ్లిల్లు చేసుకుంటున్న యువ‌తీ యువ‌కుల మ‌ధ్య మేం గొప్పంటే మేం గొప్ప అనే ఈగోతో వ‌చ్చే స‌మ‌స్య‌ల‌ను భ‌లేగా క‌ళ్ల‌కు క‌ట్టిన‌ట్లు తెర‌కెక్కించారు. అంతేకాకుండా మ‌గ‌వాళ్ల వైపు త‌ప్పు అంత‌గా లేకున్నా, ఆడ‌వాళ్ల‌పై ఈగ వాల‌కుండా వెన్నుద‌న్నుగా నిలుస్తున్న చ‌ట్టాలు, దీంతో కొత్త‌గా పెళ్లి చేసుకున్న కుర్రాళ్లు ప‌డుతున్న ఇబ్బందులు, ఎదుర్కొంటున్న కేసులు ఇత్యాది అంశాల‌పై వ‌చ్చే స‌న్నివేశాలు మ‌గ వాళ్ల‌కు ఇట్టే క‌నెక్ట్ అయ్యేలా ఉంటాయి. ఆడ‌వాళ్ల‌కు స‌మ ప్ర‌ధాన్య‌త ఇస్తూనే ఫెమినిజం గురించి జ‌రిగిన చ‌ర్చ కూడా అదిరిపోతుంది.
ఇప్పుడు ఇందుకు సంబంధించిన షార్ట్ వీడియోలు సోష‌ల్ మీడియాలో తెగ వైర‌ల్ అవుతున్నాయి కూడా. ఇక‌పోతే ఇప్పుడీ సినిమా ఆన్ పావం పొల్లతత్తు (Aan Paavam Pollathathu) జియో హాట్‌స్టార్ (Jio Hotstar) ఓటీటీలో త‌మిళంతో పాటు తెలుగులోనూ అందుబాటులో ఉంది. ప్ర‌తి ఒక్క‌రు చూడాల్సిన మ‌స్ట్ వాచ్ ఫిలిం ఇది. డోంట్ మిస్‌. కాక‌పోతే యాప్‌లో ప్ర‌తి 5 నిమిషాల‌కో ఓ నిమిషం చొప్పున యాడ్ వ‌చ్చి మ‌న సహానాన్ని ప‌రీక్షించి మ‌న‌కు అప్ప‌టివ‌ర‌కు ఉన్న కాస్త మూడ్ కూడా పోయే జీవితం మీద విర‌క్తి వ‌చ్చేలా చేస్తుంద‌న‌డంలో సందేహం లేదు.