Trump Effect: ఇండియన్‌ సినిమాకు ట్రంప్‌ గుదిబండ..
ABN, Publish Date - May 05 , 2025 | 02:05 PM
ఇండియన్‌ సినిమాకు (Indian Cinema) అమెరికా మార్కెట్‌ దూరం కాబోతోందా? అంటే అవుననే అంటున్నారు విశ్లేషకులు. ఇప్పటి దాకా వచ్చిన షేర్‌లో సగం నిర్మాత ఖాతాలో జమ అయ్యేది. ఇప్పుడు పరిస్థితి మారింది.
ఇండియన్‌ సినిమాకు (Indian Cinema) అమెరికా మార్కెట్‌ దూరం కాబోతోందా? అంటే అవుననే అంటున్నారు విశ్లేషకులు. ఇప్పటి దాకా వచ్చిన షేర్‌లో సగం నిర్మాత ఖాతాలో జమ అయ్యేది. ఇప్పుడు పరిస్థితి మారింది. ఇప్పుడు అందులో కూడా అత్యధిక మొత్తం అమెరికా ప్రభుత్వ అకౌంట్లో టాక్స్‌ (100% tax)రూపంలో పడబోతోంది. నిర్మాతకు అతి తక్కువే మిగిలనుంది. విదేశాల్లో చిత్రీకరించి అమెరికాలో విడుదల చేేస సినిమాలపై 100 శాతం టారిఫ్‌లను (100% Tarrif) విధిస్తున్నట్లు ట్రంప్‌ ప్రకటించారు. కొందరు నిర్మాతలు హాలీవుడ్‌ని నాశనం చేస్తున్నారని, అందుకే ఈ నిర్ణయం తీసుకుంటున్నానని ట్రంప్‌ (US president Donald Trump) వెల్లడించారు.
ఇప్పటి వరకూ భారత సినిమాలపై అమెరికాలో ఇప్పటి వరకూ పెద్దగా పన్నులు లేవు. సాధారణంగా దిగుమతి సుంకాలు మాత్రమే వర్తిస్తాయి. కొన్ని రాష్ర్టాల్లో మాత్రం ఏడు శాతం వరకూ ఉండేది. అయితే ఇది సినిమాను ఎక్కడ నిర్మించారన్న దానితో సంబంధం లేని పన్ను. ఇప్పుడు ట్రంప్‌ ఇతర దేశాల సినిమాలకే కాదు.. అమెరికాలో చిత్రీకరించని హాలీవుడ్‌ సినిమాలపైనా ఈ పన్ను వేశారు. అంటే హాలీవుడ్‌లో నిర్మాణం కాని సినిమాలకు పన్ను విధింపు ఉంటుంది. మామూలుగా భారతీయ చిత్రాలు అమెరికాలో షూటింగ్‌ జరుపేది చాలా తక్కువ. తెలుగు, హిందీ, తమిళ, మలయాళ సినిమాలకు అమెరికాలో మంచి మార్కెట్‌, క్రేజ్‌ ఉంటుంది. పెద్ద హీరోల చిత్రాలకు భారీ ఓపెనింగ్స్‌ వస్తాయి. సినిమా?కు అక్కడ మంచి ఓపెనింగ్స్‌ వస్తాయి.
సినిమా కలెక్షన్లు ఇండియాలో కంటే ఎక్కువగా వచ్చిన సందర్భాలు కూడా ఉన్నాయి. ఇప్పటి వరకూ ఉన్న టాక్స్‌ స్ట్రక్చర్‌ ప్రకారం.. నిర్మాతలకు ప్రాఫిట్‌ ఉండేది. కానీ ఇప్పుడు వంద శాతం పన్ను అంటే.. అక్కడ రిలీజ్‌ ఖర్చులు కూడా రావన్న ఆందోళన ఉంటుంది. ఇది భారతీయ సినిమాకు గట్టి దెబ్బే అవుతుంది. దీని వల్ల ఇప్పటికే సమస్యల్లో ఉన్న సినిమాలు మరింతగా ఇబ్బందుల్లో పడే అవకాశం ఉంది. గత నాలుగైదేళ్లల్లో అమెరికాలో(United States) సినిమాల నిర్మాణానికి కేరాఫ్‌ అయిన లాస్‌ ఏంజిల్స్‌ లోని హాలీవుడ్‌ లో కార్యకలాపాలు సన్నగిల్లాయి. సినీ నిర్మాణాలు 40 శాతానికి పడిపోయిందని చెబుతున్నారు. ఇటీవల జరిగిన కార్చిచ్చు కారణంగా చాలా వరకూ సదుపాయాలు దెబ్బతిన్నాయి. దీంతో పరిస్థితి మరింతగా దిగజారింది. చాలా మంది హాలీవుడ్‌ నిర్మాతలు అమెరికా బయట షూటింగ్‌కు ప్రాధాన్యం ఇస్తున్నారని టాక్‌. హాలీవుడ్‌ మేకర్స్‌ తమ కథలకు తగ్గట్టు ఆయా దేశాల్లో చిత్రీకరించేందుకు ఆసక్తి చూపిస్తున్నారు. ఇది ట్రంప్‌కు నచ్చకే ఇలాంటి నిర్ణయం తీసుకున్నాడని టాక్‌ నడుస్తోంది.