ప్రపంచంలోనే అతిపెద్ద స్క్రీన్‌

మహారాష్ట్ర ముఖ్యమంత్రి దేవేంద్ర ఫడ్నవిస్‌తో

అభిషేక్‌ అగర్వాల్‌, విక్రమ్‌ రెడ్డి

నాగపూర్‌లో ప్రపంచంలోనే అతిపెద్ద స్క్రీన్‌తో సినిమా థియేటర్‌ను నిర్మించనున్నారు. ‘వేవ్స్‌’ సమ్మిట్‌లో పాల్గొన్న తెలుగు నిర్మాతలు అభిషేక్‌ అగర్వాల్‌, విక్రమ్‌ రెడ్డి ఈ ప్రాజెక్టును ప్రకటించారు. ఈ సందర్భంగా అభిషేక్‌ అగర్వాల్‌ మాట్లాడుతూ ‘వరల్డ్‌ బిగ్గెస్ట్‌ సినిమా స్ర్కీన్‌ నిర్మించే అవకాశం మాకు దక్కడం గర్వంగా ఉంది.

భారత వినోదరంగాన్ని ప్రపంచ స్థాయికి తీసుకెళ్లాలనేది ప్రధాని మోదీ లక్ష్యం. ఆ దిశగా మా ప్రయత్నం మొదలైంది’ అని అన్నారు. ‘సినిమాను మరింత గొప్పగా తీర్చిదిద్దడమే మా యూవీ క్రియేషన్స్‌ లక్ష్యం. గొప్ప సినిమాలు తీయడం కాదు. అద్భుతమైన థియేటర్లు నిర్మించడమే మా ధ్యేయం’ అని మరో నిర్మాత విక్రమ్‌ రెడ్డి పేర్కొన్నారు.