క్రిమినల్‌ కథేంటి?

క్రైమ్‌, అపరాధపరిశోధనాత్మక కథనంతో రూపొందిన తమిళ చిత్రం ‘రాకాదన్‌’. వంశీకృష్ణ, రియాజ్‌ఖాన్‌, దినేశ్‌ ప్రధాన తారాగణం. దినేశ్‌ కలై దర్శకుడు. కే హైమావతి నిర్మించారు. ఇప్పుడు ఈ చిత్రం ‘క్రిమినల్‌ 123’ పేరుతో తెలుగు ప్రేక్షకుల ముందుకు రాబోతోంది. కేజేఆర్‌ పిక్చర్స్‌ పతాకంపై రామకృష్ణ, కిశోర్‌, జయబాబు ఈ చిత్రాన్ని తెలుగులో విడుదల చేస్తున్నారు. మే తొలివారంలో ఈ చిత్రాన్ని ప్రేక్షకుల ముందుకు తీసుకొస్తున్నట్లు మేకర్స్‌ ఆదివారం తెలిపారు. వాణిజ్య అంశాలకి, సామాజిక అంశాలను కలిపి తెరకెక్కించిన చిత్రమిదని దర్శకుడు చెప్పారు. ఈ చిత్రానికి ఏ ప్రవీణ్‌ కుమార్‌ సంగీతం అందించారు. సినిమాటోగ్రఫీ: మాన్‌సబాబు.