పూజా హెగ్డే ప్రత్యేక గీతం

సూపర్‌స్టార్‌ రజనీకాంత్‌ హీరోగా లోకేష్‌ కనకరాజ్‌ దర్శకత్వంలో తెరకెక్కుతున్న ‘కూలీ’ చిత్రంలో పూజా హెగ్డే నటిస్తున్నారు. ఆమె లుక్‌ను చిత్రబృందం గురువారం విడుదల చేసింది. బుధవారం ‘ఈ స్టార్‌ హీరోయిన్‌ ఎవరో గుర్తుపట్టండి’ అంటూ ఓ ప్రీలుక్‌ పోస్టర్‌ను విడుదల చేసింది. తాజాగా ఆ పోస్టర్‌ పూజా హెగ్డేదేనంటూ ప్రకటించింది. అయితే, ఈ మూవీలో పూజా హెగ్డే కీలక పాత్రను పోషిస్తున్నారా? లేక స్పెషల్‌ సాంగ్‌లో నర్తిస్తున్నారా?

అనేది తెలియాల్సివుంది. ‘జైలర్‌’ సినిమాలో హీరోయిన్‌ తమన్నా ‘కావాలయ్యా’ పాట తరహాలో సంగీత దర్శకుడు అనిరుధ్‌ రవిచందర్‌ ఓ ప్రత్యేక గీతాన్ని ప్లాన్‌ చేసినట్టు తెలుస్తోంది. ఈ గీతంలో నర్తించేందుకు పూజా హెగ్డేను ఎంపిక చేసినట్టు అభిమానులు భావిస్తున్నారు. ఈ మూవీలో ఆమీర్‌ ఖాన్‌, నాగార్జున, ఉపేంద్ర, సత్యరాజ్‌, శ్రుతిహాసన్‌ కీలక పాత్రలు పోషిస్తున్నారు.

-చెన్నై, ఆంధ్రజ్యోతి