ఇన్వెస్టిగేటివ్‌ థ్రిల్లర్‌

బ్రహ్మాజీ, యశ్వంత్‌ పెండ్యాల (‘కమిటీ కుర్రోళ్లు’ ఫేం)ప్రధాన పాత్రలు పోషించే ‘కథకళి’ చిత్రం షూటింగ్‌ శనివారం హైదరాబాద్‌లో ప్రారంభమైంది. న్యూ ఏజ్‌ క్రైమ్‌ థ్రిల్లర్‌ కథాంశంతో రూపుదిద్దుకొనే ఈ చిత్రానికి ప్రసన్నకుమార్‌ నాని దర్శకుడు. రవికిరణ్‌ కలిదిండి నిర్మిస్తున్నారు. నిహారిక కొణిదెల క్లాప్‌ కొట్టి షూటింగ్‌కు శ్రీకారం చుట్టారు. ఈ సందర్భంగా దర్శకుడు మాట్లాడుతూ ‘ఆసక్తికరంగా సాగే ఇన్వెస్టిగేటివ్‌ థ్రిల్లర్‌ ఇది. వచ్చే నెలలో షూటింగ్‌ ప్రారంభిస్తాం’ అని చెప్పారు.ఈ సినిమాలో కథే హీరో అనీ, కాన్సెప్ట్‌ తనకు బాగా నచ్చిందనీ బ్రహ్మాజీ చెప్పారు. ఈ చిత్రానికి సంగీతం పవన్‌, సినిమాటోగ్రఫీ: జితిన్‌ మోహన్‌.