జాతీయ భద్రతా నిధికి విరాళం

జాతీయ భద్రతా నిధి (నేషనల్‌ సెక్యూరిటీ ఫండ్‌)కి ఒక నెల వేతనాన్ని విరాళంగా అందజేయనున్నట్టు ప్రముఖ సంగీత దర్శకుడు, రాజ్యసభ సభ్యుడు ఇళయరాజా ప్రకటించారు. ఈ విషయంపై ఆయన శనివారం ఎక్స్‌ ఖాతాలో ఓ ట్వీట్‌ చేశారు. ‘పహల్గాం ఉగ్రచర్యకు వ్యతిరేకంగా భారత రక్షణశాఖ సైనిక చర్యకు శ్రీకారం చుట్టడంతో మన జవానులు సరిహద్దుల్లో తమ ప్రాణాలను ఫణంగా పెట్టి దేశ ప్రజలు, దేశ సరిహద్దులను రక్షించే పనుల్లో నిమగ్నమైవున్నారు. ఈ తరుణంలో రాజ్యసభ సభ్యుడిగా జాతీయ భద్రతా నిధికి ఒక నెల వేతనంతో పాటు నా సంగీత విభావరి ద్వారా వచ్చే నిధులను కూడా విరాళంగా అందజేస్తాను’ అని ఇళయరాజా పేర్కొన్నారు.

చెన్నై (ఆంధ్రజ్యోతి)