ఆదరణ అపూర్వం

చిరంజీవి కథానాయకుడిగా నటిస్తున్న చిత్రం విశ్వంభర’. వశిష్ఠ దర్శకుడు. యూవీ క్రియేషన్స్‌ బేనర్‌పై విక్రమ్‌, వంశీ, ప్రమోద్‌ నిర్మిస్తున్నారు. ఇటీవలే చిత్రబృందం ‘రామ రామ’ అంటూ శ్రీరాముని కీర్తిస్తూ సాగే తొలి గీతాన్ని విడుదల చేసింది. ఆ పాటకు చక్కటి ప్రేక్షకాదరణ దక్కుతోందని చిత్రబృందం తెలిపింది. ‘రామ రామ’ గీతాన్ని అమితంగా ఆదరిస్తున్న సంగీత ప్రియులకు ధన్యవాదాలు తెలిపింది. ఈ సందర్భంగా మంగళవారం విశ్వంభర కొత్తపోస్టర్‌ను విడుదల చేసింది. అందులో చిరు తనదైన శైలిలో ఉల్లాసంగా స్టెప్పులేస్తూ కనిపించారు. ఈ చిత్రంలో త్రిష, ఆషికి రంగనాథ్‌ కథానాయికలు. కునాల్‌కపూర్‌ కీలకపాత్ర పోషిస్తున్నారు. సంగీతం: ఎం.ఎం. కీరవాణి, సినిమాటోగ్రఫీ: చోటా కె నాయుడు