Kajol: షోలో మాటల్ని సీరియస్‌గా తీసుకోకండి..

పెళ్లికి ఎక్స్‌పైరీ డేట్‌ ఉంటే ఎక్కువ కాలం బాధ పడాల్సిన అవసరం ఉండదు’ అంటూ చేసిన వ్యాఖ్యలు తీవ్ర విమర్శలకు దారి తీశాయి. బాలీవుడ్‌ నాయికలు కాజోల్‌, ట్వింకిల్‌ ఖన్నా వ్యాఖ్యాతలుగా నడుస్తోన్న సెలబ్రిటీ టాక్‌ షో ఇది. అమెజాన్‌ ప్రైమ్‌ వీడియో’ వేదికగా స్ర్టీమింగ్‌ అవుతోంది. ఇటీవల ఈ కార్యక్రమానికి విక్కీ కౌశల్‌, కృతిసనన్‌ వచ్చి సందడి చేశారు. పెళ్లికి ఎక్స్‌పైరీ తేదీ, రెన్యువల్‌ ఆప్షన్‌ ఉండాలా? వద్దా? అన్న ప్రశ్న వచ్చింది. ఇందుకు ట్వింకిల్‌ ఖన్నా స్పందిస్తూ, ‘అది పెళ్లి. వాషింగ్‌ మెషీన్‌ కాదు’ అని సమాధానమిచ్చారు. అక్కడే ఉన్న కాజోల్‌ స్పందిస్తూ ‘నేను కూడా అలాగే అనుకుంటున్నా. కానీ, రెన్యువల్‌ చేసుకునే అవకాశం ఉంటే మంచిదని నా ఒపీనియన్‌. ఇక ఎక్స్‌పైరీ డేట్‌ ఉంటే ఎవరూ ఎక్కువ కాలం పాటు బాధ పడాల్సిన అవసరం ఉండదు’ అని కాజోల్‌  అన్నారు.

తాజాగా వచ్చిన విమర్శల నేపథ్యంలో కాజోల్‌ స్పందిస్తూ.. ‘మనం రెండో విభాగంలోకి  వెళ్దాం. మనల్ని ఇబ్బందుల్లోకి నెట్టిన విభాగమిది. దయచేసి సరదా సంభాషణల్లో భాగంగా చేసిన వ్యాఖ్యలను సీరియస్‌గా తీసుకోవద్దు’ అన్నారు. దీనికి ట్వింకిల్‌ రియాక్ట్‌ అయ్యారు. ‘ఈ కార్యక్రమంలో మాట్లాడే వాటిని సీరియస్‌గా తీసుకోవద్దు అని మనం మొదటి ఎపిసోడ్‌ నుంచే డిస్‌క్లైమర్‌ వేస్తున్నాం.. మళ్లీ చెబుతున్నాం.. మేం చెప్పే సలహాలు పాటించండి’ అని అన్నారు.