Vishwak Sen: 'గ్యాంగ్స్ అఫ్ గోదావరి' నుండి మాస్ పాట బయటకొచ్చింది!

విశ్వక్ సేన్, నేహా శెట్టి, అంజలి ప్రధాన పాత్రల్లో నటించిన 'గ్యాంగ్స్ అఫ్ గోదావరి' సినిమా నుండి రెండో పాటని ఈరోజు చిత్ర నిర్వాహకులు విడుదల చేశారు. కృష్ణ చైతన్య దర్శకుడిగా తెరకెక్కిన ఈ సినిమా మే 17న ప్రేక్షకుల ముందుకు వస్తోంది. సూర్యదేవర నాగ వంశి, సాయి సౌజన్య నిర్మాతలుగా వస్తున్న ఈ సినిమాకి యువన్ శంకర్ రాజా సంగీతాన్ని సమకూర్చారు. చంద్రబోస్ రాసిన 'మోత' అనే ఒక మాస్ పాటని ఈరోజు విడుదల చేశారు. ఎంఎం మానసి ఈ పాటని పాడగా, విశ్వక్ సేన్, అయేషా ఖాన్ ల మీద ఈ పాటని చిత్రీకరించారు. గోదావరి నేపథ్యంలో ఒక పీరియడ్ డ్రామాగా తెరకెక్కిన ఈ సినిమాపై అంచనాలు ఎక్కువగానే వున్నాయి. మొదటి ఈ సినిమా విడుదల కొన్ని తేదీలు ప్రకటించినా, ఎన్నికల నేపథ్యంలో చివరికి మే 17 అని ఖరారు చేశారు. ఇందులో నేహా శెట్టి కథానాయిక అని, అంజలి ఇంకో ప్రధాన పాత్రలో కనపడనున్నారని తెలుస్తోంది.