Family Star Teaser: కలియుగ రాముడు అచ్చిండు కాకో.. 

విజయ్ దేవరకొండ హీరోగా నటిస్తున్న చిత్రం  'ఫ్యామిలీ స్టార్'. మృణాల్ ఠాకూర్ హీరోయిన్ గా నటిస్తోంది. శ్రీ వెంకటేశ్వర క్రియేషన్స్ బ్యానర్ పై  దిల్ రాజు, శిరీష్ నిర్మిస్తున్నారు. ఈ సినిమాను హోల్ సమ్ ఎంటర్ టైనర్ గా డైరెక్టర్ పరశురామ్ పెట్ల రూపొందిస్తున్నారు. ఈ సినిమాను ఏప్రిల్ 5వ తేదీన గ్రాండ్ థియేట్రికల్ రిలీజ్ కు తీసుకురాబోతున్నారు.సోమవారం ఈ చిత్రం టీజర్ రిలీజ్ చేశారు. గోపీ సుందర్ కంపోజ్ చేసిన 'దేఖొరో దెఖో..' సాంగ్ తో హీరో క్యారెక్టరైజేషన్ ను వర్ణిస్తూ సాగిన ఈ టీజర్ ఆకట్టుకుంది. 

సర్ నేమ్ కు సరెండర్ అయి, ఫ్యామిలీ అంటే వీక్ నెస్ ఉన్న కలియుగ రాముడిగా హీరో విజయ్ దేవరకొండను ఈ టీజర్ లో చూపించారు. దేవుడి పూజతో సహా ఇంటి పనులన్నీ చేసుకుంటూ తన కుటుంబ సభ్యులను జాగ్రత్తగా చూసుకుంటుంటాడు హీరో. వాళ్ల జోలికి ఎవరైనా వస్తే మడత పెట్టి కొడతాడు. అతను వేస్తే బడ్జెట్ షాక్, ప్లాన్ గీస్తే ప్రాజెక్ట్ షేక్ అవుతుంది. టీజర్ చివరలో హీరోయిన్ మృణాల్ 'నేను కాలేజ్ కు వెళ్లాలి. కొంచెం దించేస్తారా..' అని అడిగితే..'లీటర్ పెట్రోల్ కొట్టిస్తే దించేస్తా..' అంటాడు. ఇలా హీరో క్యారెక్టర్ లో ఉన్న హోమ్లీ, మ్యాన్లీ, లవ్ లీనెస్ తో టీజర్ ఇంప్రెస్ చేసింది. ఫ్యామిలీ, క్లాస్, మాస్, లవ్, యాక్షన్ ఎలిమెంట్స్ తో కట్ చేసిన టీజర్ కంప్లీట్ మూవీని షార్ట్ గా చూసిన ఫీలింగ్ కలిగించింది. ఈ సమ్మర్ కు కంప్లీట్ ఫ్యామిలీ ఎంటర్ టైనర్ లా "ఫ్యామిలీ స్టార్" సినిమా ఉండబోతున్నట్లు టీజర్ క్లారిటీ ఇచ్చింది.