Kalki 2898 AD: భవిష్యత్తు కాశీ వీధుల నుంచి..

ప్రభాస్‌ (Prabhas) హీరోగా నాగ్‌ అశ్విన్ (Nag aswin)  దర్శకత్వంలో రూపొందుతున్న చిత్రం 'కల్కి 2898’ ఎడీ’ (Kalki 2898 AD). దీపికా పదుకొణె కథానాయికగా నటిస్తున్న ఈ చిత్రాన్ని వైజయంతీ మూవీస్‌ సంస్థ నిర్మిస్తోంది. శుక్రవారం మహాశివరాత్రి సందర్భంగా మేకర్స్‌  ఆసక్తికర అప్‌డేట్‌ ఇచ్చారు. ఈ చిత్రంలో ప్రభాస్‌ క్యారెక్టర్‌ను రివీల్‌ చేశారు. ఇందులో ప్రభాస్‌ 'భైరవ’గా (Peabhas కనిపించనున్నారు. ఈ విషయాన్ని కొత్త పోస్టర్‌ విడుదల చేసి తెలిపారు. పోస్టర్‌లో ప్రభాస్‌ స్టైలిష్‌గా, ఇంటెన్స్  లుక్‌లో కనిపించారు. ప్రస్తుతం ఈ లుక్‌ వైరల్‌ అవుతోంది

ఇటీవల జరిగిన ఓ కార్యక్రమంలో దర్శకుడు నాగ్ అశ్విన్ ఈ చిత్రం గురించి ఆసక్తికర విషయాలు చెప్పారు.  "మహాభారతం’, స్టార్‌ వార్స్‌... రెండింటినీ చూస్తూ, వింటూ పెరిగాను. ఈ రెండు ప్రపంచాలను కలిపే ఒక గొప్ప సినిమా చేయాలనుకున్నప్పుడు ‘కల్కి 2898 ఏడీ’ పుట్టింది. ఈ సినిమా కూడా మహాభారతం కాలం నుంచి మొదలై 2898లో పూర్తవుతుంది. అందుకే సినిమాకు ఆ టైటిల్‌ పెట్టాం. సినిమా 6000 సంవత్సరాల మధ్య జరిగే కథని చూపిస్తుంది. సినిమాలో ప్రధానమైన పాత్రలన్నీ ఇండియన్‌ మైథాలజీ చుట్టే ఉంటాయి. భవిష్యత్తు ప్రపంచం ఎలా ఉంటుందో చూపే ప్రయత్నం కూడా చేశాం. ఈ క్రమంలోనే ఓ ఊహా ప్రపంచాన్ని క్రియేట్‌ చేశాం.’ అని తెలిపారు. 

ఈ ఏడాది మే 9న ప్రపంచవ్యాప్తంగా ఈ చిత్రం విడుదల కానుంది. ఈ చిత్రంలో ప్రభాస్‌ సరసన దీపిక పదుకొణె కథానాయికగా నటిస్తుండగా కమల్‌హాసన్‌, అమితాబ్‌ బచ్చన్‌ కీలక పాత్రలు పోషిస్తున్నారు. వైజయంతీ మూవీస్‌ బ్యానర్‌పై సి.అశ్వినీదత నిర్మిస్తున్నారు. తాజాగా ‘జస్ట్‌ ది వార్మ్‌ అప్‌’ అనే క్యాప్షన్‌తో విడుదల చేసిన వీడియో ఆకట్టుకుంది