Nara Rohith: చిన్నతిరుపతి శ్రీవారి సేవలో నారా రోహిత్
ABN , Publish Date - May 05 , 2024 | 03:29 PM
పశ్చిమ గోదావరి జిల్లాలోని పవిత్ర పుణ్యక్షేత్రం ద్వారకాతిరుమల శ్రీవారి ఆలయాన్ని హీరో నారా రోహిత్ ఆదివారం సందర్శించారు. ఆలయానికి విచ్చేసిన ఆయనకు ఆలయ అధికారులు ప్రత్యేక దర్శనం ఏర్పాటు చేశారు.
పశ్చిమ గోదావరి జిల్లాలోని పవిత్ర పుణ్యక్షేత్రం ద్వారకాతిరుమల శ్రీవారి ఆలయాన్ని హీరో నారా రోహిత్ ఆదివారం సందర్శించారు. ఆలయానికి విచ్చేసిన ఆయనకు ఆలయ అధికారులు ప్రత్యేక దర్శనం ఏర్పాటు చేశారు. ఈ సందర్భంగా ఆయన స్వామి, అమ్మవారిని దర్శించుకుని ప్రత్యేక పూజలు నిర్వహించారు. అనంతరం ఆలయ ముఖ మండపంలో అర్చకులు పండితులు వేద ఆశీర్వచనం తీర్థ ప్రసాదాలను అందజేశారు.
రోహిత్ ని చూసిన అభిమానులు సెల్ఫీల కోసం ఎగబడ్డారు. ఈ కార్యక్రమంలో తెదేపా నాయకులు మొగతడకల శ్రీనివాసరావు, ఆండ్రు అనిల్ ఓం ప్రకాష్ చౌదరి గంటా శ్రీనివాసరావు తదితరులు పాల్గొన్నారు. ప్రస్తుతం నారా రోహిత్ ప్రతినిధి- 2 సినిమాతో అలరించడానికి సిద్ధం అవుతున్నారు. ఈనెల 10న ఈ చిత్రం విడుదల కానుంది.