Kalki Vs Indrani: ప్ర‌భాస్ క‌ల్కికి పోటీగా ‘ఇంద్రాణి’.. రెండు ఒకేలా ఉన్నాయేంటి? రోబో కూడా

రెండు తెలుగు రాష్ట్రాల ప్ర‌జలు ఇప్పుడు ఆస‌క్తిగా ఎదురుచూస్తున్న సినిమా ఏదైనా ఉందంటే అది ప్ర‌భాస్ (Prabhas) న‌టించిన క‌ల్కి సినిమా మాత్ర‌మే. మ‌రి కొద్ది రోజుల్లో ఈ సినిమా విడుద‌ల కానున్న‌నేప‌థ్యంలో మేక‌ర్స్ ఇప్ప‌టికే ప్ర‌మోష‌న్ కార్య‌క్ర‌మాలు రెట్టింపు కూడా చేశారు.

ఈక్ర‌మంలో గ్లిమ్స్‌, టీజ‌ర్‌లు రిలీజ్ చేసి సినిమాపై అంచ‌నాల‌ను పెంచేశారు. తాజాగా చిత్రంలో ఓ ముఖ్య భూమి పోసిస్తున్న బుజ్జి అనే కారుకు సంబంధించి వీడియోను విడుద‌ల చేసి ఆస‌క్తిని మ‌రింత పెంచేశారు. అయితే క‌ల్కి సినిమాకు పోటీగా అచ్చం అలాంటి క‌థ‌క‌థ‌నాల‌తో, క్యారెక్ట‌ర్స్‌తో ఓ చిత్రం సిద్ద‌మైంది. అది కూడా తెలుగులోనే వ‌స్తుండ‌డం గ‌మ‌నార్హం.

అయితే ఇది మ‌న దేశంలోనే ఫ‌స్ట్ టైం సూప‌ర్ ఉమెన్ నేప‌థ్యంలో రూపొందిన చిత్రం అవ‌డం విశేషం. ఆ సినిమా పేరు ‘ఇంద్రాణి - ఎపిక్ 1: ధరమ్ vs కరమ్’(Indrani - Epic1: Dharam vs Karam). యానీయా (Yaaneea) ప్ర‌ధాన పాత్ర‌లో న‌టిస్తోండ‌గా జిల్‌, సుప్రీమ్ సినిమాల్లో విల‌న్‌గా న‌టించిన క‌భీర్ సింగ్ (Kabir Singh) ఈ చిత్రంలో సూప‌ర్ విల‌న్‌గా న‌టిస్తోన్నారు. స్టీఫెన్ పల్లం (Stephen Pallam) ద‌ర్శ‌క‌త్వం వ‌హించారు.

తాజాగా విడుద‌ల చేసిన ఈ చిత్రం ట్రైల‌ర్‌ను చూస్తే క‌ల్కి సినిమాతో చాలా సారూప్య‌త‌లు ఉన్న‌ట్లు తెలుస్తోంది. క‌ల్కి (Kalki 2898AD)లో బుజ్జి అనే రోబో ఉన్న‌ట్లే ఈ సినిమాలో చిట్టి అనే అదే టైపు, అదే త‌ర‌హా రోబో కూడా ఉండ‌డంతో పాటు 2021 ఏడీ అంటూ సినిమా జ‌రిగే స‌మ‌యాన్ని కూడా చూయించారు. ఇలా సినిమా అసాంతం చాలా ద‌గ్గ‌రి పోలిక‌లు ఉన్నాయి.

పైగా ఈ సినిమాను ఫ్యూచరిస్టిక్ వరల్డ్ నేప‌థ్యంలో ఆద్యంతం విజువల్ ఎఫెక్ట్స్ తో తెర‌కెక్కించారు. ఈ సినిమా ట్రైల‌ర్ విడుద‌ల సంద‌ర్భంగా ద‌ర్శ‌కుడు మాట్లాడుతూ భ‌విష్య‌త్‌లో భార‌త‌దేశం టెక్నాల‌జీ ఏ విధంగా ఉండ‌బోతుందో ఈ సినిమాలో చూపించ‌బోతున్నామ‌ని, ఓ రోబో కూడా ఉంటుంద‌ని, వీఎఫ్ఎక్స్ వ‌ర్క్ మంచిగా వ‌చ్చింద‌ని అంద‌రినీ అక‌ట్టుకుంటుంద‌న్నారు.

ఇదిలాఉండ‌గా ఈ సినిమాను క‌ల్కి సినిమాకు రెండు వారాలు ముందుగానే ప్రేక్ష‌కుల ముందుకు తీసుకు వ‌స్తున్నారు. క‌ల్కి (Kalki 2898AD) జూన్ 27న విడుద‌ల కానుండ‌గా ఈ ‘ఇంద్రాణి - ఎపిక్ 1: ధరమ్ vs కరమ్’ (Indrani - Epic1: Dharam vs Karam) చిత్రం జూన్ 14న రిలీజ్ కానుంది.