Game Changer: మెగా మాస్ బ్లాస్ట్..వచ్చేస్తుంది
ABN , Publish Date - Mar 26 , 2024 | 01:49 PM
'జరగండి.. జరగండి' (Jaragandi Jaragandi) అంటూ దాదాపు నాలుగైదు నెలలుగా ప్రేక్షకుల్ని ఊరిస్తున్నారు 'గేమ్ ఛేంజర్ (Game changer)మేకర్స్'. గత నవంబర్లో దీపావళి కానుకగా 'జరగండి’ పాటను విడుదల చేస్తామని చిత్ర బృందం ప్రకటించింది.
![Game Changer: మెగా మాస్ బ్లాస్ట్..వచ్చేస్తుంది](https://media.chitrajyothy.com/media/2024/20240322/Game_changer_d77a7cb4c9.jpeg)
'జరగండి.. జరగండి' (Jaragandi Jaragandi) అంటూ దాదాపు నాలుగైదు నెలలుగా ప్రేక్షకుల్ని ఊరిస్తున్నారు 'గేమ్ ఛేంజర్ (Game changer)మేకర్స్'. గత నవంబర్లో దీపావళి కానుకగా 'జరగండి’ పాటను విడుదల చేస్తామని చిత్ర బృందం ప్రకటించింది. కారణాలు ఏమైనా గానీ ఆ పాట విడుదలకు నోచుకోలేదు. అభిమానులు దీనిపై మండిపడుతూ చిత్ర బృందాన్ని నిలదీశారు కూడా! ఫలితం లేకపోయింది. అయితే ఈ పాట ఎట్టకేలకు ప్రేక్షకుల ముందుకు రాబోతోంది. ఎన్నో రోజులుగా 'గేమ్ ఛేంజర్' అప్డేట్ కావాలని కోరుతున్న అభిమానులకు దిల్ రాజు టీమ్ శుభవార్త చెప్పింది. బుధవారం ఉదయం 9 గంటలకు 'జరగండి జరగండి' పాటను విడుదల చేయనున్నట్లు ప్రకటించారు. మెగా మాస్ బ్లాస్ట్ రాబోతుంది అంటూ కొత్త పోస్టర్ను షేర్ చేశారు. దీంతో రామ్చరణ్ అభిమానులు మంచి జోష్ మీదున్నారు.
రామ్చరణ్ (Ram charan) హీరోగా శంకర్ దర్శకత్వం వహిస్తున్న ఈ చిత్రాన్ని దిల్ రాజు నిర్మిస్తున్నారు. కియారా అడ్వాణీ కథానాయిక. పొలిటికల్ యాక్షన్ ఎంటర్టైనర్గా తెరకెక్కుతోంది. తమన్ సంగీతం అందిస్తున్నారు. సెప్టెంబర్లో ఈ చిత్రాన్ని విడుదల చేయనున్నారు.